27.09.2026 | 08:00
ՏԻՄ ընտրությունները մեկնարկեցին հանրապետության չորս համայնքներում
Նիկոլ Փաշինյանն ասաց՝ դեռ որքան կպաշտոնավարեն ԱԱԾ և ոստիկանության պետի պաշտոնակատարները
Քաղաքականություն
04.12.2019 | 20:11
Արդեն տևական ժամանակ է՝ ուժային կառույցների, մասնավորապես՝ ԱԱԾ-ի և Ոստիկանության ղեկավարները ժամանակավոր պաշտոնակատարներ են, համապատասխանաբար՝ Արման Սահակյանը և Էդուրարդ Մարտիրոսյանը։
Դեռ ինչքա՞ն կպաշտոնավարեն նրանք, արդյոք այդ պաշտոնները քաղաքական դարձնելուց հետո նոր թեկնածուներ կհայտնվե՞ն, ԱԺ հարցուպատասխանի ժամանակ Նիկոլ Փաշինյանն այս թեմայով ասաց․ «Ես ԱԱԾ-ի ու Ոստիկանության պետերին նշանակելիս հրապարակային ասել եմ, որ ես հիմա նոր թեկնածուներ չեմ փնտրելու այդ կարգավիճակների համար և նշանակված երկու պաշտոնյաներին հնարավորություն եմ տալու այս ընթացքում աշխատել որպես լիարժեք ղեկավարներ։ Այսպիսի դեպքերում ընդունված չի, երբ պաշտոնակատար են՝ իրենք աշխատեն ղեկավարների աշխատասենյակում, բայց ես ինքս ուղեկցել եմ և ԱԱԾ-ի և Ոստիկանության պետի ժամանակավորի պաշտոնակատարին պետերի աշխատասենյակ և ասել եմ, որ այստեղ կաշխատեք։ Ես ասել եմ, որ որոշման իմ մասը կայացրել եմ, մնացած մասը դուք պիտի կայացնեք՝ ձեր աշխատանքի արդյունքներով»։
Նիկոլ Փաշինյանը հիշեցրեց օրենքը, ըստ որի՝ այս կարգավիճակով պաշտոնյաները կարող են պաշտոնավարել 6 ամիս, որից հետո պետք է որոշում կայացվի․ «Երբ տեսնեմ, որ որևէ որոշում հասունացել է, ես այդ որոշումը կկայացնեմ և դա գաղտնիք չի մնա»։
