21.05.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Նիկոլ Փաշինյանը՝ Սերժ Սարգսյանին առաջադրված մեղադրանքի մասին
Քաղաքականություն
04.12.2019 | 19:19
Ազգային ժողով-Կառավարություն հարցուպատասխանի ժամանակ ԱԺ փոխնախագահ Ալեն Սիմոնյանը նշեց, որ նոր հրատապ լուր տարածվեց, որ մոտ կես մլրդ դրամի հափշտակության կատարումը կազմակերպելու համար մեղադրանք է առաջադրվել Սերժ Սարգսյանին։
«Պարոն վարչապետ, արդյո՞ք այս գործի մանրունքներին տիրապետում եք»,- հարցրեց Ալեն Սիմոնյանը։
Վարչապետն էլ նկատեց, որ ըստ էության՝ կարող է ասել այն, որ ինչ հրապարակված է մամուլում։
«Հիշո՞ւմ եք՝ ՀՀ-ում կար գյուղատնտեսության վառելիքի սուբսիդավորման ծրագիր։ Մեր կառավարությունն է այդ ծրագիրը փակել, որովհետև համարում էինք, որ դա կոռուպցիոն ծրագիր է, իրականում գյուղացիներին ոչ մի բան չի տալիս։ Մեզ քննադատեցին դրա համար։ Հիմա պարզվում է՝ այդ նավթամթերքի սուբսիդավորման ծրագրով մրցույթ է հայտարավում ու մրցույթի ժամանակ առաջարկվում է էժան գին։ Ըստ նյութերի՝ Սերժ Սարգսյանը հանձնարարում է պետական մարմնին, որ դիզվառելիքը գնեն ոչ թե էժան առաջարկող ընկերությունից, այլ այն ընկերությունից, որի անունը, համոզված եմ, ոչ մեկիդ ոչինչ չի ասի։ Այդ ընկերության անունն է «Ֆլեշ»։ Որևէ ավել բան, քան հրապարակված է, չեմ կարող ասել»,- ընդգծեց Փաշինյանը։
Մանրամասները՝ տեսանյութում։
