02.02.2026 | 15:10
Իրանը քննարկում է ԱՄՆ-ի հետ դիվանագիտական գործընթացը և հույս ունի արդյունքների հասնել առաջիկա օրերին. ԱԳՆ խոսնակ
Ո՞ւր է շրջակա միջավայրի նախարարը․ Էդմոն Մարուքյանը՝ Տիգրան Ավինյանին. ՏԵՍԱՆՅՈՒԹ
Քաղաքականություն
04.12.2019 | 15:39
Ըստ Ձեզ՝ կառավարությունն այս տարի և սպասվող 2020 թվականին արե՞լ և անո՞ւմ է բնապահպանական խնդիրների լուծման համար իրենից կախվածը։ Այս մասին ԱԺ-ում, դիմելով փոխվարչապետ Տիգրան Ավինյանին, հարցրեց «Լուսավոր Հայաստան» խմբակցության պատգամավոր Էդմոն Մարուքյանը։
«Սա այն կոնտեքստում եմ ասում, որ բնապահպանական ծախսերի համար 40 մլրդ դրամ պակաս է նախատեսվել օրենքով նախատեսվածից։ Ինձ նաև հետաքրքրում է, թե ուր է շրջակա միջավայրի նախարարը»,- հարցրեց Մարուքյանը։
Տիգրան Ավինյանը նշեց, որ շրջակա միջավայրի նախարարն այս պահին գտնվում է գործուղման մեջ։
«Կառավարությունն արել և անում է իրենից կախվածը, բայց կառավարությունը միշտ կարող է անել ավելին և ձգտելու ենք միշտ անել ավելին։ Ինչ վերաբերում է՝ ավել է, թե պակաս, սա Ձեր մեկնաբությունն է, և այն չափազանց նեղ է բնապահպանական ծրագրերի իմաստով»,- նկատեց Ավինյանը։
Հիշեցնենք, որ ԱԺ-ն սկսել է քննարկել նախարար Էրիկ Գրիգորյանին անվստահություն հայտնելու հարցը։
Մանրամասները՝ տեսանյութում։
