10.12.2025 | 21:28
Կրոնական ազատությունը Հայաստանում ժողովրդավարության կարևոր բաղադրիչներից է։
Աննա Հակոբյանը Մեհրիբան Ալիևային հրավիրում է Արցախ՝ «մուղամ լսելու»
Քաղաքականություն
04.12.2019 | 13:52
Մի քանի օր առաջ Մեհրիբան Ալիևան ստատուս էր գրել, որ իրենց բոլորի երազանքն է՝ «մուղամ» լսել Ղարաբաղում: Մոտավորապես գիտեմ՝ ինքը դա ինչ կոնտեքստով էր գրել, բայց ես ուզում եմ Մեհրիբան Ալիևային հրավիրել Ղարաբաղ: «ՄԱԿ-ի անվտանգության խորհրդի կանայք, խաղաղություն և անվտանգություն» թեմայով համաժողովի ժամանակ ասաց ՀՀ վարչապետի տիկին Աննա Հակոբյանը:
«Նա կարող է լինել մեր հյուրը: Հայ ժողովուրդը, արցախցիները գիտեն՝ ինչպես ընդունել հյուրին, ինչպես հարգել հյուրին, հյուրընկալության կանոններից է նաև հյուրին պատվել իր երաժշտությամբ, մենք կարող ենք ապահովել մուղամ, կարող ենք իրականացնել նրա երազանքը: Նա կարող է լինել մեր հյուրը և Ղարաբաղում լսել իր սիրելի մուղամը»,- ասաց Աննա Հակոբյանը:
Նա հավելեց, որ եթե Ալիևան ընդունի իր հրավերը, ինքն էլ պատրաստ է Բաքու գնալ. «Կարծում եմ՝ սա կարող է ՄԱԿ-ի 1325 բանաձևի շատ ռեալ և շատ բարձր մակարդակի իրականացման ձև լինել ամբողջ աշխարհում»:
«Բայց եթե Մեհրիբան Ալիևան նկատի ունի, որ իրենց երազանքն այն է, որ գան Ղարաբաղ ու մուղամ լսեն, և դա նկատի ունի անել պատերազմի միջոցով, ապա ես վստահեցնում եմ, որ այդ երազանքն անկատար կմնա: Ոչ միայն անկատար կմնա, եթե նրանք նոր պատերազմ սկսեն, հավանաբար, նորանոր բնակավայրեր կհայտնվեն, որտեղ նրանց համար մուղամ լսելը կդառնա անկատար երազանք»,- հայտարարեց Աննա Հակոբյանը:
Վարչապետի տիկինը նշեց նաև, որ այդ երազանքին հասնելու համար միայն մեկ ճանապարհ կա՝ խաղաղությունը, Արցախի հետ բարիդրացիական հարաբերությունները:
