27.09.2026 | 11:23
Ռուբեն Վարդանյանի գերության 3 տարին․ ձերբակալություն, դատավարություն, դատավճիռ
Պարոն Ծառուկյան, Ձեր աշխատակիցներին ազատե՛ք, Ձեր փողերն իզուր քամուն են տալիս․ Քրիստինե Պողոսյան. ՏԵՍԱՆՅՈՒԹ
Քաղաքականություն
04.12.2019 | 13:07
ԱԺ «Իմ քայլը» խմբակցության պատգամավոր Քրիստինե Պողոսյանն իր ելույթի ընթացքում դիմեց «Բարգավաճ Հայաստան» խմբակցության ղեկավար Գագիկ Ծառուկյանին և խորհուրդ տվեց աշխատակիցներին աշխատանքից ազատել։
«Դիմում եմ անձնապես պարոն Ծառուկյանին․ ես ավարտել եմ ՀՊՃՀ-ն, իմ հայրիկը ճարտարապետ-շինարար է, և այն տարիքից, ինչ քայլել եմ սովորել, տանը լսել եմ միայն շինարարության մասին։ Ես բարեկամաբար պարոն Ծառուկյանին խորհուրդ եմ տալիս աշխատանքից հեռացնել գրանցված և չգրանցված բոլոր այն մարդկանց, ում ինքը վճարում է, որովհետև իր փողերը վատնվում են։ Երբ պարոն Ծառուկյանին տեղեկություն են տրամադրում՝ միտումնավոր, թե գիտելիքների պակասից, որի հրապարակման արդյունքում, մեղմ ասած, անհարմար իրավիճակի մեջ է հայտնվում այդ մարդը և ստացվում է, որ չի տիրապետում իրավիճակին, այս ամենը դրա արդյունքն է։ Իզուր գումար եք տալիս»,- ասաց Պողոսյանը։
Մանրամասները՝ տեսանյութում։
