04.11.2024 | 23:04
Ադրբեջանի ՊՆ ղեկավարը Սլովակիայում ռազմատեխնիկական համագործակցության հարցեր է քննարկել
Հայաստանը միջին աշխատավարձի ցուցանիշով առաջ է անցել Ադրբեջանից
Տնտեսություն
02.12.2019 | 13:19
ԱՊՀ-ի 2019 թվականի երրորդ եռամսյակի «աշխատավարձային» վարկանիշում Հայաստանը զբաղեցրել է 5-րդ տեղը: Այս մասին գրում է Rusarminfo-ն՝ վկայակոչելով ԱՊՀ վիճակագրական կոմիտեի տվյալները:
Դրանց համաձայն՝ հաշվետու ժամանակահատվածում Հայաստանում միջին աշխատավարձը դոլարային արտահայտությամբ կազմել է 385 դոլար (երկրորդ եռամսյակի համեմատ՝ աճել է 15 դոլարով):
Ի տարբերություն Հայաստանի՝ Ադրբեջանում նշված ժամանակաշրջանում միջին աշխատավարձը 10 դոլարով պակաս է եղել՝ կազմելով 375 դոլար (աճը՝ 25 դոլար):
ԱՊՀ-ում միջին աշխատավարձի ցուցանիշով առաջատարների եռյակն անփոփոխ է մնացել: Առաջին հորիզոնականում Ռուսաստանն է՝ 705 դոլարով (2019թ. երկրորդ եռամսյակի համեմատ՝ 45 դոլարով պակաս): Բելառուսն ամրապնդել է դիրքերը երկրորդ տեղում՝ 545 դոլար (աճը՝ 30 դոլար), իսկ երրորդ հորիզոնականում Ղազախստանն ՝ 495 դոլար միջին աշխատավարձով (աճը՝ 5 դոլար):
Ուկրաինայում միջին աշխատավարձը կազմել է 435 դոլար (աճը՝ 40 դոլար), Մոլդովայում՝ 415 դոլար (աճը՝ 5 դոլար):
Միջին աշխատավարձի ցուցանիշով ԱՊՀ-ում ամենաաղքատը Միջին Ասիայի երկրներն են. Ուզբեկստանում այն կազմել է 270 դոլար (աճել է 20 դոլարով), Ղրղզստանում՝ 240 դոլար (երկրորդ եռամսյակի ցուցանիշը պահպանվել է), Տաջիկստանում՝ 135 դոլար (նվազել է 5 դոլարով):
