07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Նախագահ Արմեն Սարգսյանը ցավակցական ուղերձ է հղել ակադեմիկոս Դավիթ Սեդրակյանի ընտանիքին
02.12.2019 | 11:39
Հանրապետության նախագահ Արմեն Սարգսյանը ցավակցական ուղերձ է հղել ակադեմիկոս Դավիթ Սեդրակյանի ընտանիքին ու հարազատներին, որում ասվում է.
«Խոր կսկիծով տեղեկացա անվանի գիտնական, գիտության կազմակերպիչ ու հմուտ մանկավարժ, իմ ուսուցիչ ակադեմիկոս Դավիթ Սեդրակյանի մահվան մասին։
Նա առանձնահատուկ էր թե՛ որպես պրպտուն գիտնական, թե՛ որպես գիտության բազմափորձ կազմակերպիչ, թե՛ որպես իսկական մանկավարժի որակներով օժտված դասախոս, և, իհարկե, որպես մարդ, ով ուներ բարձր արժեհամակարգ։
Մեր հանդիպումն այս տարվա գարնանը, երբ ես անվանի գիտնականին իր տանը հանձնեցի պետական բարձր պարգևը, վերածվեց անցյալի, ներկայի ու ապագայի մասին մի գեղեցիկ զրույցի, որի ընթացքում ես վերստին լսեցի իմ վաղեմի դասախոսի իմաստուն խոսքը»։
