29.03.2026 | 14:04
Էդուարդ Սպերցյանը չի ընդգրկվել Հայաստանի հավաքականի հայտացուցակում
Չգիտեմ, թե ինչու է քաղաքապետը արձակուրդ վերցրել, բայց երկու պատճառ բացառում եմ. Հակոբ Կարապետյան. ՏԵՍԱՆՅՈՒԹ
Տեսանյութեր
28.11.2019 | 16:27
Հայկ Մարությանը երկու օրով չվճարվող արձակուրդ է վերցրել: Այս մասին այսօր լրագրողների հետ զրույցում հայտնեց Երևանի քաղաքապետ Հայկ Մարությանի մամուլի քարտուղար Հակոբ Կարապետյանը ՝ անդրադառնալով Հայկ Մարությանի՝ այս տարի արդեն երկրորդ անգամ արձակուրդ մեկնելուն:
«Չեմ կարող ասել, թե ինչու է մեկնել արձակուրդ, բայց կարող եմ ասել, թե որ պատճառները չեն մտնում արձակուրդ մեկնելու մեջ: Ո՛չ առողջական խնդիների պատճառով է Հայկ Մարությանը վերցրել արձակուրդ, ո՛չ քաղաքական խնդիրների պատճառով է Հայկ Մարությանը վերցրել արձակուրդ»,- ասաց նա:
Դիտարկմանը, թե նախորդ արձակուրդից Հայկ Մարությանը բավականին լարված է վերադարձել և նույնիսկ խոսվում էր հնարավոր հրաժարականի մասին, Հակոբ Կարապետյանը նշեց. «Քաղաքապետ Հայկ Մարությանը արձակուրդից վերադարձել է բավական առույգ, բարձր տրամադրությամբ, կարծեմ, հաղորդագրություն տարածել էինք, որ հանգստին զուգահեռ հասցրել է եվրոպական մի շարք քաղաքաներում շրջել և տեսնել այնտեղի կառավարման փորձ»:
Նա նշեց, որ քաղաքապետի հրաժարականի մասին այս տարվա ընթացքում խոսակցություններ եղել են, որոնք հիմք չունեին: «Բայց աշխատանքը բավական նյարդային աշխատանք է, ձանձրանալու առիթ չկա»,-հավելեց նա:
Մանրամասները՝ տեսանյութում:
Նարեկ Կիրակոսյան
