03.10.2026 | 22:08
Հայաստանի հավաքականը ժամանել է Պոդգորիցա
«Գյումրու մոր և մանկան ավստրիական հիվանդանոց»-ին հողատարածք հատկացվեց ծննդատուն կառուցելու համար
Տնտեսություն
28.11.2019 | 11:33
ՀՀ առողջապահության նախարարի տեղակալ Լենա Նանուշյանը Կառավարության նիստի ժամանակ ներկայացրեց «Գյումրու մոր և մանկան ավստրիական հիվանդանոց» փակ բաժնետիրական ընկերության կանոնադրական կապիտալում հող ներդնելու մասին ՀՀ կառավարության որոշման նախագիծը։ Հողատարածքն անհրաժեշտ է Գյումրիում ծննդատուն կառուցելու համար։
Նրա տեղեկացմամբ՝ ՀՀ Շիրակի մարզում ներկայում գործող «Գյումրու մոր և մանկան ավստրիական հիվանդանոց» փակ բաժնետիրական ընկերության համար ծննդատան մասնաշենք կառուցելու վերաբերյալ ՀՀ առողջապահության նախարարի և շվեյցարահայ բարերար Վարդան Սրմաքեշի կողմից հիմնած հիմնադրամի միջև 2019 թվականի օգոստոսի 2-ին ստորագրվել է փոխըմբռնման հուշագիր։
«Համաձայն հուշագրի՝ Առողջապահության նախարարությունն աջակցելու է ծննդատան կառուցման համար անհրաժեշտ տարածքի հատկացման գործում, իսկ ծննդատան նախագծման և կառուցման շինարարական աշխատանքների ֆինանսավորումն իրականացվելու է Վարդան Սրմաքեշի կողմից ստեղծված հիմնադրամի միջոցներով»,- տեղեկացրեց Նանուշյնաը։
Մանրամասները՝ տեսանյութում։
