Քաղաքականություն
27.11.2019 | 14:51ՊՎԾ լիազորությունները կասեցված պետ Դավիթ Սանասարյանից Factor.am-ը հետաքրքրվեց, թե ինչու է այս փուլում լուռ, հաշվի առնելով նախկինում Արթուր Վանեցյանին ուղղված իր խոսքերը, թե՝ «ինչ կլինի, եթե ես խոսեմ», Սանասարյանը պատասխանեց․ «Որոշում եմ կայացրել, որ այս փուլում չեմ պատասխանելու, համ էլ ես չեմ կարծում, որ պետք է մտնեմ՝ «սուտ է ասում, ճիշտ է ասում» մակարդակի մեջ։ Ինքն իր տեսակետը ներկայացրեց, ես իմ փաստերն ունեմ, ժամանակը կգա կխոսեմ։ Ինքն այդ քաշային կատեգորիան չունի, որ ես իր հետ բանավեճի մեջ մտնեմ։ Ես իրեն զգուշացրել եմ՝ մի՛ խառնվի, մի՛ սխալ արա, ես իր հետ բանավեճ չունեմ»։
Դավիթ Սանասարյանը նաև նշեց, որ չի ուզում մասնակից լինել ցեխշպրտոցներին․ «Ես կարծում եմ, որ մեր երկրում շատ ավելի լուրջ խնդիրներ կան, քան միմյանց նկատմամբ ցեխ շպրտելով՝ գաղջ մթնոլորտին նորից սպասարկելը»։
Հարցին՝ ե՞րբ է գալու խոսելու իր ժամանակը, սպասո՞ւմ է ինչ-որ իրադարձությունների, Սանասարյանն ասաց․ «Եթե որևիցե պահի զգամ, որ չխոսելն այլընտրանք չունի, այդ պահին կխոսեմ։ Ես կարծում եմ՝ խոսելու կարիք առայժմ չկա»:
Մանրամասները՝ տեսանյութում։
Լիլիթ Շաբոյան
