02.02.2026 | 23:15
Ինչ իրավիճակ է Հայաստանի ճանապարհներին և Լարսում
«Տասը տարի առաջ, երբ Հայաստան էի եկել, փորձեցի ձեր գինին, այսօր կարող եմ ասել, որ հայկական գինու որակը զգալիորեն լավացել է»․ ԵՄ դեսպան
Տնտեսություն
27.11.2019 | 14:02
Գյուղատնտեսությունը Եվրամիության երկարաժամկետ ռազմավարությունների շարքում է։ Մենք կարևոր կապ ենք տեսնում պարենային անվտանգության, սննդի արտադրության և շրջակա միջավայրի պահպանության միջև։ Միասին պետք է Հայաստանի տնտեսության համար հնարավորություններ ստեղծենք և Հայաստանի համար օրինակ ծառայենք։ Այս մասին այսօր՝ պարենային ապահովության ոլորտում ներդրումների և ձեռնարկատիրության զարգացման հնարավորություններին նվիրված միջազգային համաժողովի ընթացքում նշեց Հայաստանում Եվրամիության դեսպան Անդրեա Վիկտորինը։
«Թերսնման դեմ պայքարը կենսական նշանակություն ունի՝ աշխարհի երեխաներին հնարավորություն տալ ավելի առողջ կենսակերպ վարել, ավելի լավ սովորել և բարելավել իրենց ապագան։ Համապարփակ և ընդլայնված գործընկերության համաձայնագրով ստանձնած հանձնառությունների շարքում կարևոր են շրջակա միջավայրի պահպանությունը և բնական ռեսուրսների՝ հատկապես ջրային պաշարների կայուն օգտագործումը։ Եվրամիությունը փորձում է փոխել այն ընկալումը, որը կա սննդի և սննդի արտադրման հարցում։ Մենք փնտրում ենք կայուն լուծումներ, որպեսզի զարգացնենք այն գաղափարը, որ առողջ սնունդն ավելի լավ է, քան արագ սնունդը, որը կարելի է գտնել ցանկացած երկրի ցանկացած քաղաքում։ Տասը տարի առաջ, երբ Հայաստան էի եկել, փորձեցի ձեր գինին։ Այսօր կարող եմ ասել, որ հայկական գինու որակը զգալիորեն լավացել է։ Կարծում եմ՝ դուք շատ լավ սննդային արտադրանք ունեք և հիմա լավագույն ժամանակն է՝ օգտագործել այդ հնարավորությունը՝ զարգացնելու հայկական տնտեսությունը, ստեղծելու արտահանման հնարավորություններ և միաժամանակ, լուծել թերսնման խնդիրը»,- ասաց ԵՄ դեսպանը։
Մանրամասները՝ տեսանյութում։
Նելլի Մելքոնյան
