09.12.2025 | 23:31
Եվրոպական հանձնաժողովը հետաքննություն է սկսել Google-ի դեմ
«Կոռեկտ չէ», «տիկի՛ն Խաչատրյան, բակային հավաքույթ չէ, խոսքը Ձեզ ո՞վ տվեց»․ Մարությանը դիտողություն արեց. ՏԵՍԱՆՅՈՒԹ
26.11.2019 | 12:44
Երևանի ավագանու նիստում «Իմ քայլը» խմբակցությունն Իրավական հարցերի հանձնաժողովի նախագահի տեղակալի պաշտոնում առաջարկեց Արմեն Գալջյանի թեկնածությունը։
ԲՀԿ խմբակցության անդամներից Հռիփսիմե Առաքելյանը հարցը զեկուցող Հասմիկ Խաչունցից հետաքրքրվեց՝ ի՞նչ սկզբունքով են հանգել Գալջյանի թեկնածությանը. «Խմբակցությունում ունեք էլի իրավաբաններ, որոնք շատ ավելի ներկայանալի են, ներկայացուցչական և հասանելի։ Կխնդրեմ պարզաբանել»։
Խաչունցը պատասխանեց, որ չնայած երիտասարդ տարիքին՝ Արմեն Գալջյանը շատ մեծ աշխատանք է կատարում և կարող է զբաղեցնել այդ պաշտոնը. «Կոռեկտ չէ նման հարցադրում անելը, ի՞նչ է նշանակում՝ ավելի ներկայանալի»։
Ավագանու անդամը պարզաբանեց, որ ներկայանալի ասելով՝ նկատի ունի նաև փորձը: «Մտածեցի՝ սոցիալական ցանցերում Ձեզ հաճախ է պաշտպանում, գուցե դրա համար մոտիվացված եք եղել հարցը բարձրացնելու և նրա թեկնածությունը առաջարկելու»,- ասաց Առաքելյանը։
Ի վերջո, ձայների մեծամասնությամբ Արմեն Գալջյանն ընտրվեց Երևանի ավագանու Իրավական հարցերի հանձնաժողովի նախագահի տեղակալ։
Մանրամասները՝ տեսանյութում:
Ռոբերտ Անանյան
