02.02.2026 | 19:50
6 եպիսկոպոսի արգելել են լքել ՀՀ-ն․ ինչ է սպասվում Ավստրիայում կայանալիք ժողովին․ ՏԵՍԱՆՅՈՒԹ
Մի շարք բացեր կան, որոնք կարգավորելու անհրաժեշտություն կա․ Թագուհի Ղազարյան. ՏԵՍԱՆՅՈՒԹ
Հասարակություն
25.11.2019 | 12:33
Ընտանեկան բռնության հետ կապված օրենսդրական բացեր ունենք, որոնք կարգավորելու անհրաժեշտություն կա։ Այս մասին «Ընտանեկան բռնության և օրենսդրական մեխանիզմների արդյունավետության» թեմայով քննարկման ժամանակ ասաց «Իմ քայլը» խմբակցության պատգամավոր Թագուհի Ղազարյանը։
«Ուզում եմ անդրադառնալ վիճակագրությանը։ Իմ կարծիքով՝ վիճակագրությունը խոսում է ոչ այնքան բռնությունների քանակի մասին, որքան պետություն-քաղաքացի հարաբերության և փոխվստահության մասին։ Այս պահին օրենսդրական կարգավորումներից առաջնահերթությունն այն է, որ ծեծն, օրինակ՝ համարվում է մասնավոր մեղադրանք։ Ցավոք, փոքր մարզեր կան, որտեղ երբ կինն ահազանգում է, բոլորը մեկը մեկին ճանաչում են և փորձում են տանել դեպի հաշտեցման։ Դեպք եղավ, երբ կինն երկու անգամ ահազանգել էր, փորձել էին հաշտեցման տանել, 3-րդ անգամ նրան մահացած էին գտել։ Սա նշանակում է, որ նման մեղադրանքները պետք է լինեն հանրային մեղադրանքներ, և ոչ թե մասնավոր»,- նշեց Թագուհի Ղազարյանը։
Մանրամասները՝ տեսանյութում։
