05.06.2026 | 14:37
Մեկ օրում ոստիկանները բացահայտել են 150 հանցագործություն․ ՆԳՆ ոստիկանություն
Արման Սարգսյանը ներքին անվտանգության վարչության անձնակազմին է ներկայացրել ստորաբաժանման նորանշանակ պետ Արա Մկրտչյանին
21.11.2019 | 11:51
ՀՀ ոստիկանությունից տեղեկացնում են, որ նոյեմբերի 20-ին ոստիկանության պետի պաշտոնակատար Արման Սարգսյանը ոստիկանության ղեկավար կազմին և ներքին անվտանգության վարչության անձնակազմին ներկայացրեց ստորաբաժանման նորանշանակ պետ, ոստիկանության գնդապետ Արա Մկրտչյանին։
«Արա Մկրտչյանը երկար տարիներ ոստիկանության ու քննչական ծառայությունում զբաղեցրել է տարբեր պաշտոններ։
Արման Սարգսյանը կարևորեց ոստիկանության ներքին անվտանգության վարչության դերն ու նշանակությունը ոստիկանության համակարգում՝ նշելով, որ իրավապահ կառույցի ներքին անվտանգությունն ապահովող այս ստորաբաժանման գերխնդիրը՝ ոստիկանությունն արատավոր երևույթներից զերծ պահելն ու յուրաքանչյուր խախտմանը համարժեք գնահատական տալն է։ Արման Սարգսյանն այս ուղղությամբ տվեց կոնկրետ ցուցումներ ու հանձնարարականներ։
Արա Մկրտչյանը շնորհակալություն հայտնեց վստահության համար և նշեց, որ ներքին անվտանգության վարչության առջև դրված խնդիրները կիրականացվեն բարձր պատասխանատվությամբ։
Հանդիպմանը քննարկվեցին նաև ոստիկանության ներքին անվտանգության վարչության գործունեությանը վերաբերող այլ հարցեր ևս»,- ասված է հաղորդագրությունում:
