07.04.2026 | 15:15
Հանրայինը կցուցադրի՞ «Անկախության մեր ճանապարհը» ֆիլմը. Հ1-ը պատասխանել է Factor TV-ի հարցերին
Վերաբացվեց Հայաստանում միակ մանկական էնդոկրին բաժանմունքը «Մուրացան» համալսարանական հիվանդանոցում
Հասարակություն
14.11.2019 | 17:53
«Մուրացան» համալսարանական հիվանդանոցում, շաքարային դիաբետի դեմ պայքարի համաշխարհային օրվան ընդառաջ՝ բարեկարգված պայմաններով վերաբացվեց Հայաստանում միակ մանկական էնդոկրին բաժանմունքը։
«Սա հանրապետության միակ էնդոկրին բաժանմունքն է, որտեղ գրանցվում են երեխաներ՝ լուրջ էնդոկրին խնդիրներով․ շաքարային դիաբետ, մակերիկամային անբավարարություն, աճի հորմոնի անբավարարություն, սեռական հասունացման խնդիրներ, վահանաձև գեղձի հիվանդություններ»,- Factor.am-ի հետ զրույցում նշեց «Մուրացան» համալսարանական հիվանդանոցի էնդոկրինոլոգիայի կլինիկայի ղեկավար Ելենա Աղաջանովան։
Երևանի Մխիթար Հերացու անվան պետական բժշկական համալսարանի ռեկտոր Արմեն Մուրադյանի կարծիքով՝ դիաբետիկ երեխաների բուժման համար Հայաստանն այսօր բավականին առաջադեմ եղանակներ է ընտրել։
«Բաժնի բարելավված պայմանները վկայում են այն մասին, որ այս խնիդրը մշտապես գտնվում է մեր ուշադրության կենտրոնում։ Այս կլինիկայում պատրաստվում են ապագա բժիշկներ, որոնք իրենց ուսման տարիներին կարող են մասնակից լինել բուժման ժամանակակից մեթոդների մշակմանը և ներդրմանը»։
Մանրամասները՝ տեսանյութում։
Նելլի Մելքոնյան
