14.05.2026 | 17:20
24 անշարժ գույք, 9,8 մլրդ դրամ, 1․8 մլն եվրո, 2․8 մլն դոլար․ ինչ է հայտարարագրել Գագիկ Ծառուկյանը
Իմ ազատազրկումը համարում եմ պատանդ՝ քաղաքական իշխանություններին․ Արսեն Բաբայան. ՏԵՍԱՆՅՈՒԹ
Հասարակություն
14.11.2019 | 12:25
Այսօր ասուլիս էին հրավիրել Ազգային ժողովի աշխատակազմի ղեկավարի նախկին տեղակալ Արսեն Բաբայանը և նրա փաստաբանները։ Ազատ արձակվելուց հետո սա նրա առաջին շփումն էր լրատվամիջոցների հետ։
Արսեն Բաբայանն անդրադարձավ այն պնդումներին, թե ինքը քաղաքական հետապնդման չի ենթարկվում, քանի որ քաղաքական գործիչ չէ։
«Քննադատները պնդում են, որ Արսեն Բաբայանը քաղաքական գործիչ չէ, և նա չի կարող քաղաքական հետապնդման ենթարկվել։ Ասեմ, որ պարտադիր չէ՝ լինել քաղաքական գործիչ, որ ենթարկվես քաղաքական հետապնդման։ Վստահեցնում եմ, որ նման հիմնավորումը չի ենթարկվում որևէ քննադատություն։ Քաղաքական իշխանությունն ի սկզբանե հայտարարել է Սահմանադրական դատարանում փոփոխություն սկսելու մասին, հետևաբար՝ գործողությունները միտված են այդ ուղղությամբ։ Այս գործողությունները միտված են մեկ նպատակի՝ հասնել Հրայր Թովմասյանի պաշտոնանկությանը, և քաղաքական իշխանությունը կանգ չի առնում որևէ բանի առաջ»,- ասաց Բաբայանը։
Ըստ նրա՝ քաղաքական իշխանության համար միևնույնն է, թե ով կլինի ազատազրկված, խոշտանգված, մարդն արժեք չունի. «Թող Արսեն Բաբայանը գնա՝ 22 օր ազատազրկվի, խելքը գլուխը կհավաքի, ցուցմունք կտա։ Իմ ազատազրկումը համարում եմ պատանդ՝ քաղաքական իշխանություններին»։
Արսեն Բաբայանն ասաց, որ պայքարելու է գործի վերջնական և արդարացի հանգուցալուծման համար։
Մանրամասները՝ տեսանյութում:
Ռոբերտ Անանյան
