03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
Բաբկեն Պիպոյանը դիմել է վարչապետին՝ խնդրելով դադարեցնել Հանրային խորհրդում իր գործունեությունը. armtimes.com
08.11.2019 | 22:43
Հանրային խորհրդի անդամ Բաբկեն Պիպոյանը դիմում է ներկայացրել Կառավարություն՝ ՀՀ վարչապետին խնդրելով դադարեցնել խորհրդում իր գործունեությունը: Armtimes.com-ի հետ զրույցում Պիպոյանն ասաց, որ դիմումում նաեւ նշել է, որ հանրային դաշտում գործել է ու շարունակելու է գործել:
Հիշեցնենք, որ «Իրազեկ եւ պաշտպանված սպառող» հասարակական կազմակերպության նախագահ Բաբկեն Պիպոյանը Հանրային խորհրդի երեկվա նիստի ժամանակ հայտարարել էր, որ հեռանում է խորհրդից։
«Հենց վաղը ես ասելու եմ, որ եթե իմ խորհուրդը չեք ուզում, ես գնացի։ Հենց վաղն առավոտյան վարչապետին նամակ եմ գրելու՝ խնդրելով, որ դուրս գամ Հանրային խորհրդի կազմից: Սա ինստիտուցիոնալ առանցքային դիտարկում է իմ մասով: Իմ ընկալումն է, որպեսզի սահմանադրական մարմինը (ՀԽ-ն) շարունակի մնալ: Գործադիր իշխանությունը պետք է քայլեր ձեռնարկի, որպեսզի իր որոշումը կայացնի: Գործադիրը հստակ ցույց կտա, խորհուրդ ուզում է՝ մե՞նք ենք վատ խորհուրդ տվող, թե՞ իրենք ընդհանրապես խորհուրդ չեն ուզում»,- ասել էր Պիպոյանը։
