08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Ուղղակի փողը տալ և ասել՝ աշխատավարձ բարձրացրեք, ճիշտ չէ․ Փաշինյանը՝ Բաթոյանին. ՏԵՍԱՆՅՈՒԹ
Հասարակություն
07.11.2019 | 11:37
Կառավարության նիստի ժամանակ աշխատանքի և սոցիալական հարցերի նախարար Զարուհի Բաթոյանը ներկայացրեց նախագիծ, որով առաջարկվում է 2020 թվականի հունվարի 1-ից մտավոր և հոգեկան խնդիրներ (այդ թվում՝ աուտիզմ) ունեցող անձանց խնամքի ու սոցիալական վերականգնողական ծառայություններ մատուցող կազմակերպություններում մասնագիտացված աշխատանք կամ խնամք իրականացնողների նվազագույն աշխատավարձը բարձրացնել 30 տոկոսով։
Վարչապետ Նիկոլ Փաշինյանը հետաքրքրվեց, թե այս որոշումը քանի մարդու է վերաբերում, սակայն, Բաթոյանը նշեց, որ այս պահին հստակ հաշվարկ չկա։
«Պետք է հստակ հաշվարկ լինի, որ մենք իմանանք՝ քանի մարդու հետ գործ ունենք։ Մեր վիճակագրության համար էլ է կարևոր, որ մենք իմանանք՝ քանի մարդու աշխատավարձ ենք բարձրացրել։ Ուղղակի փողը տալ և ասել՝ աշխատավարձ բարձրացրեք, ճիշտ չէ»,- նկատեց վարչապետը։
Մանրամասները՝ տեսանյութում։
