12.12.2025 | 23:31
Պուտինի օգնականը չի բացառել պատերազմի ավարտից հետո Դոնբասի ապառազմականացումը
Շենգավիթի սոցիալական ծառայությունների տարածքային բաժնի պետի տեղակալին մեղադրանք է առաջադրվել՝ ապօրինի վարձատրություն ստանալու համար
Հասարակություն
31.10.2019 | 11:54
ՀՀ քննչական կոմիտեից տեղեկացնում են, որ ԵՔՔՎ Շենգավիթ վարչական շրջանի քննչական բաժնում ավարտվել է պաշտոնատար անձ չհանդիսացող հանրային ծառայողի կողմից ապօրինի վարձատրություն ստանալու դեպքի առթիվ հարուցված քրեական գործի նախաքննությունը: Մեղադրանք է առաջադրվել Շենգավիթ սոցիալական ծառայությունների տարածքային բաժնի պետի տեղակալին:
«Քննությամբ ձեռք բերված տվյալների համաձայն՝ Շենգավիթի սոցիալական ծառայությունների տարածքային բաժնի պետի տեղակալը, 2012թ. փետրվարի 1-ից մինչև 2014թ. հոկտեմբերի 2-ը զբաղեցնելով նշված պաշտոնը, համայնքային ծառայության պաշտոնի անձնագրով լիազորված լինելով առաջարկություն ներկայացնել բաժնի պետին տվյալ ընտանիքին սոցիալական աջակցություն տրամադրելու հարցը սոցիալական աջակցության խորհրդի քննարկմանը ներկայացնելու համար, ծրագրային մեթոդով տեղեկատվական բազայում կատարել ընտանիքների անապահովության միավորի հաշվարկ և որոշել ընտանիքի նպաստի իրավունքը, իր կողմից սպասարկվող տարածքում որպես նպաստառու հաշվառված՝ խուլ և համր քաղաքացու օրենքով սահմանված սոցիալական նպաստը չդադարեցնելու պատրվակով, վերջինիս աղջկան հայտնել է, թե` իբր հայրն օրենքով նպաստառու չի հանդիսանում, շորթմամբ որպես ապօրինի վարձատրություն, իր աշխատասենյակում պահանջել և անձամբ ստացել է 2013 և 2014 թվականների առաջին ամսվա որպես նպաստ հատկացված գումարը:
Ձեռք բերված բավարար ապացույցների հիման վրա՝ Շենգավիթի սոցիալական ծառայությունների տարածքային բաժնի պետի տեղակալին մեղադրանք է առաջադրվել՝ ՀՀ քրեական օրենսգրքի 311.1-րդ հոդվածի 3-րդ մասի 1-ին կետով: Նրա նկատմամբ որպես խափանման միջոց է ընտրվել ստորագրություն չհեռանալու մասին:
Նախաքննությունն ավարտվել է, և քրեական գործը՝ մեղադրական եզրակացությամբ, ուղարկվել նախաքննության օրինականության նկատմամբ հսկողություն իրականացնող դատախազին»,- ասված է հաղորդագրությունում:
