07.04.2026 | 16:45
Թոմաս Ադորյանն առաջին արդյունավետ գործողությունն է կատարել այս մրցաշրջանում․ ՏԵՍԱՆՅՈՒԹ
Եթե պարոն Մարուքյանը սիրելիներին պարգևատրելու մեխանիզմն ունի, թող ներկայացնի. Էրիկ Գրիգորյան. ՏԵՍԱՆՅՈՒԹ
Քաղաքականություն
29.10.2019 | 13:59
Այն գումարները, որոնք որ նշվել են, և այն ամենը, որոնք որ մեկնաբանվել են վարչապետի կողմից, իհարկե, վերաբերում է ինչպես ինձ, այնպես էլ մյուս նախարարներին, փոխնախարարներին։ Պարզ է ամեն ինչ, և վարչապետն էլ այդ հարցի հետ կապված մեկնաբանում տվել է։ Այս մասին ԱԺ-ում լրագրողների հետ զրույցի ժամանակ ասաց շրջակա միջավայրի նախարար Էրիկ Գրիգորյանն՝ անդրադառնալով վարչապետի կողմից գաղտնի ձևով աշխատավարձերի բարձրացման հարցին։
Դիտարկմանը՝ որոշ նախարարներ ստացել են, որոշները՝ ոչ, արձագանքեց․ «Եթե չեմ սխալվում, մայիս ամսից այդ համահարթեցված, այսպես ասած, գումարները մենք ստացել ենք, ենթադրում եմ՝ բոլոր նախարարների համար եղել է նույն գումարը»։
Նախարարն, անդրադառնալով այն հարցին, որ «Լուսավոր Հայաստան» խմբակցության ղեկավար Էդմոն Մարուքյանն ասել է, որ նախարարության աշխատակիցներն իրեն ֆեյսբուքով գաղտնի նամակներ են ուղարկում, բողոքում են, որ այդ պարգևատրումներն արդարացի սկզբունքով չեն բաշխվել, նախարարներն իրենց յուրայիններին, սիրելիներին են բաժանել, Ձեր նախարարության անունն էլ է տվել, ինչպե՞ս կպարզաբանեք, պատասխանեց․ «Կարծում եմ, եթե պարոն Մարուքյանը սիրելիների և թանկագինների պարգևատրման մեխանիզմներ գիտի, կարող է ներկայացնել, ես կարող եմ ասել՝ մեր նախարարությունում ինչպես է իրականացվում պարգևատրումների գործընթացը»,- նշեց Էրիկ Գրիգորյանը։
Մանրամասները՝ տեսանյութում։
