03.02.2026 | 16:43
Ընտրությունների նախաշեմին Հայաստանում սրվում է խտրական և ատելություն սերմանող խոսույթը․ ՄԻՊ
Հունան Պողոսյանը՝ Վլադիմիր Գասպարյանի հետ շփումների ու քրգործի մասին. ՏԵՍԱՆՅՈՒԹ
Քաղաքականություն
29.10.2019 | 13:21
Վլադիմիր Գասպարյանի հետ շփվել եմ մոտ մեկ տարի առաջ՝ հեռախոսով: Այս մասին Factor.am-ի հարցին ի պատասխան՝ ասաց նախկին փոխոստիկանապետ, Սյունիքի մարզպետ Հունան Պողոսյանը:
Հստակեցնող հարցին՝ ինչո՞ւ կապն ընդհատվեց, Հունան Պողոսյանն ասաց. «Պայմանավորված է աշխատանքով, մեր գործերով»:
Քննչական կոմիտեն մեկ ամիս առաջ հաղորդագրություն էր տարածել, որի համաձայն՝ Վլադիմիր Գասպարյանը Պաշտպանության նախարարությունում ռազմական ոստիկանության վարչության պետի և փոխնախարարի պաշտոնը զբաղեցնելու ժամանակ պաշտոնեական դիրք է չարաշահել:
Ըստ հաղորդագրության՝ Վլադիմիր Գասպարյանի՝ ոստիկանապետի պաշտոնը զբաղեցնելու տարիներին երրորդ նախագահ Սերժ Սարգսյանի եղբայրների թիկնապահները և վարորդը կառույցում պաշտոններ են զբաղեցրել, բայց աշխատանքի չեն ներկայացել:
Պետությանը պատճառվել է խոշոր չափի վնաս՝ 21.691 մլն դրամ: Հունան Պողոսյանից հետաքրքրվեցինք՝ ինչ կարծիք ունի այս գործի մասին:
«Բոլոր իրադարձություններով, դեպքերով նախաքննություն է ընթանում, ավարտից հետո պատկամ մարմինները կիրազեկեն: Հիմա զերծ կմնամ կարծիք հայտնելուց»,- ասաց Հունանյանը:
Մանրամասները՝ տեսանյութում:
Նարեկ Կիրակոսյան
