04.07.2026 | 21:07
5 քաղաքական ուժեր հայտարարել են միասնական քաղաքական օրակարգ ձևավորելու մասին
Ո՞նց հասկանանք, որ 61 մլն ծախսում եք մասնագիտական գրականության համար. Արտակ Մանուկյանը՝ ԿԲ նախագահին. ՏԵՍԱՆՅՈՒԹ
Տնտեսություն
28.10.2019 | 12:55
ԱԺ-ում 2020 թվականի բյուջեի նախագծի քննարկման ժամանակ «Իմ քայլը» խմբակցության պատգամավոր Արտակ Մանուկյանը հետաքրքրվեց, թե լրատվական տեղեկության և մասնագիտական գրքերի ձեռքբերման համար նախատեսվել է 61 մլն դրամ, եթե սա շարունակական է և 61 մլն ծախսվում է, ո՞րն է սրա արդյունքը։
«Մի շարք բուհեր կան, որոնք տնտեսական կողմնորոշում ունեն, այդ գրականությունը, բազան նաև նրանց համար անենք, որ նույն ձևով Կրթության և գիտության նախարարության ինչ-որ ծախսային բաղադրիչով չանենք։ Օրինակ՝ պայմանական 3 մլն-ով ավելացնենք, բայց սրա շահառուների թիվն ավելի մեծ լինի»,- նշեց Մանուկյանը։
ԿԲ նախագահ Արթուր Ջավադյանը, անդրադառնալով պատգամավորի բարձրացրած հարցին, նկատեց, որ իրենք շատ լուրջ ֆինանսավորում են Դիլիջանի գրադարանին։
«Բացի դրանից, մեր ֆինանսական կրթվածության գաղափարախոսության ներքո թե՛ բուհերի, թե՛ դպրոցների, թե՛ տարբեր տիպի այլ ուսումնական հաստատությունների հետ բավականին լուրջ զբաղվում ենք։ Այս տարի նաև կրթել ենք դասատուներին, իհարկե, այստեղ կրթել բառը ճիշտ չէ օգտագործել, փորձել ենք կլոր-սեղաններ անցկացնել մեր բուհերի պրոֆեսուրայի հետ, ակադեմիական շրջանակների հետ։ Եվ այդ առումով ես Ձեզ հետ համաձայն եմ, որ կարող ենք կիսվել մեզ մոտ կուտակված պոտենցիալով, որ ունենք։ Մենք փորձում ենք այդ ամեն ինչն իրականացնել, երևի թե, քիչ ենք անում, պետք է ավելացնենք։ Նաև այդ ուղղությամբ շատ, բավականին լավ արդյունքներ ունենք Դիլիջանում, Ամերիկյան համալսարանի հետ է մեր գրադարանը գործում և այնտեղից կարելի է շատ ազատ մուտք գործել բոլոր հարթակները»,- ընդգծեց ԿԲ նախագահը։
Հիշեցնենք, որ այսօր ԱԺ-ում քննարկվում է 2020 թվականի բյուջեի նախագիծը։
Մանրամասները՝ տեսանյութում։
