17.11.2024 | 16:37
Գործադիրը խորհրդարան է ներկայացրել փաթեթ՝ հիմքում դնելով բարձր տեխնոլոգիական ոլորտի աջակցությունը․ ԱԺ․ ՏԵՍԱՆՅՈՒԹ
Դատարանը Դանիել Իոաննիսյանին պարտավորեցրել է հերքել նախկինում արված հայտարարությունը և 260,000 դրամ գումար վճարել հայցվորին
Հասարակություն
28.10.2019 | 13:21
Երևան քաղաքի ընդհանուր իրավասության դատարանը՝ Լիլիթ Սարգսյանի նախագահությամբ, հրապարակել է որոշում «Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանի դեմ ՀՀ գիտության կոմիտեի նախագահ Սամվել Հարությունյանի հայցադիմումի վերաբերյալ:
Ըստ այդմ` դատարանը, մասնակի բավարարելով Հարությունյանի հայցադիմումը, որոշել է պարտավորեցնել Դանիել Իոաննիսյանին վճիռն օրինական ուժի մեջ մտնելուց հետո մեկշաբաթյա ժամկետում իր ֆեյսբուքյան օգտահաշվի միջոցով հերքել 12.06.2018 թվականին նույն ֆեյսբուքյան օգտահաշվում տեղ գտած Սամվել Հարությունյանի վերաբերյալ տեղեկատվությունը հետևյալ կերպ. ««Բոլոր գիտնականները գիտեն» որ այս մարդը կոռուպցիոներ է: Սամվել Հարությունյանը Հայաստանի գիտությունը խորապես քանդողներից է: Անգամ արտերկրյա գրանտների հաստատման համար էր ատկատ ուզում: Եվ Արայիկ Հարությունյանը չի ընդունել այն գիտնականին, ով պատրաստ էր պատմել, թե ինչպես (որքան, երբ և ինչի համար) էր Սամվել Հարությունյանը անձամբ իրենից կաշառք ուզել» տեղեկատվությունը չի համապատասխանում իրականությանը»:
Բացի այդ, դատարանը որոշել է հօգուտ Հարությունյանի, որպես պատճառված վնասի փոխհատուցում, Իոաննիսյանից գանձել 260.000 ՀՀ դրամ գումար։
Հարությունյանը, հիշեցնենք, պահանջել էր 500,000 դրամի փոխհատուցում։ Դատարանի այս որոշման կապակցությամբ Դանիել Իոաննիսյանից մեկնաբանություն ստանալ չհաջողվեց, վերջինս գտնվում է ԱՄՆ-ում։
Լիլիթ Շաբոյան
