23.07.2026 | 18:28
Վահան Կոստանյանը Փարիզում քննարկել է Հայաստանի համար եվրոպական շուկայի հասանելիության ընդլայնումը
Վաչագան Ղազարյանը պետությանը վերականգնել է 2 մլրդ 850 մլն ՀՀ դրամ գումար
Հասարակություն
25.10.2019 | 17:53
Սերժ Սարգսյանի թիկնազորի նախկին պետ Վաչագան Ղազարյանը, որը առավել հայտնի է Սերժի Վաչո անունով, պետությանը վերականգնել է 2 մլրդ 850 մլն ՀՀ դրամ գումար։
Տեղեկությունը Factor.am-ի հետ զրույցում հաստատեցին ՀՔԾ-ից։
Վաչագան Ղազարյանը, հիշեցնենք, մեղադրյալի կարգավիճակ ունի ՀՀ քրեական օրենսգրքի 310.1 հոդվածի 1-ին մասի և 314.3 հոդվածի 2-րդ մասի հատկանիշներով հարուցված քրեական գործով։ Գործը վերաբերում է հայտարարագրում կեղծ տվյալներ ներկայացնելուն և հայտարարագրման ենթակա տվյալը թաքցնելուն:
Նշենք, որ ՀՔԾ-ն հայտնել էր նաև Վաչագան Ղազարյանին պատկանող «Յանս» ռեստորանային համալիրում բացահայտված հարկային չարաշահումների մասին։ Մեր տեղեկություններով վնասի փոխհատուցումը կատարվել է հենց քրեական օրենսգրքի 205-րդ հոդվածով նախատեված արարքների դրվագով։
Լիլիթ Շաբոյան
