13.12.2025 | 11:16
Վթարային ջրանջատում Շիրակում և Լոռիում
Հայերին պրոֆեսիոնալ պարողների անվան տակ ԱՄՆ են տեղափոխել. հանցավոր խումբը բացահայտվել է
Հասարակություն
24.10.2019 | 18:32
Ամերիկյան Կալիֆորնիա նահանգի 32-ամյա բնակիչ Հրաչյա Աթոյանն իրեն մեղավոր է ճանաչել ժողովրդական պարեր կատարողների անվան տակ Հայաստանի քաղաքացիներին ԱՄՆ տեղափոխելու սխեմայի մշակմանը մասնակցության մեջ: Այս մասին գրում է Rusarminfo-ն՝ վկայակոչելով VOA-ն:
«Խումբը, որի անդամ է եղել Աթոյանը, ԱՄՆ միգրացիոն մարմիններին հաղորդել է ելույթների համար պարողների ժամանման մասին և նրանց համար «Եզակի մշակութային գործիչների համար» վիզա խնդրել»,- հաղորդել է VOA-ն:
Նշվում է, որ Աթոյանն ու նրա հանցակիցները Հայաստանի քաղաքացիներից 3-10 հազար դոլար են պահանջել՝ կեղծ պարախմբերի կազմում նրանց ԱՄՆ ուղարկելու համար:
Այս գործով անցնում են նաև Ստելլա Բոյաջյանն ու Դիանա Գրիգորյանը, որոնք նույնպես ընդունել են իրենց մեղքը: Մեղադրանքի համաձայն՝ Ստելլա Բոյաջյանը Big Apple Music Awards Foundation հիմնադրամ է ստեղծել, որի միջոցով հանցավոր խմբի անդամները կեղծ «պարային սերտիֆիկատներ» են ստեղծել, համերգների և հյուրախաղերի ազդագրեր, «պարողների» հետ լուսանկարահանումներ են կազմակերպել՝ խարդախության սխեման կոծկելու համար:
