09.12.2025 | 18:17
Ադրբեջանը և ԱՄՆ-ն TRIPP նախագծի արագացմանը վերաբերող հարցեր են քննարկել
Շուրջ 230 միլիոն դրամի գրավ` Գագիկ Խաչատրյանի ազատման համար. դատարանը որոշումը կհրապարակի վաղը. ՏԵՍԱՆՅՈՒԹ
Հասարակություն
23.10.2019 | 15:54
Երևանի ընդհանուր իրավասության դատարանի Շենգավիթի նստավայրում քննվում էր ՊԵԿ նախկին ղեկավար Գագիկ Խաչատրյանի կալանքի ժամկետը երկարացնելու միջնորդությունը։
Գագիկ Խաչատրյանի պաշտպան Երեմ Սարգսյանը լրագրողների հետ զրույցում ասաց, որ կողմերը ներկայացրել են իրենց դիրքորոշումները, որոշումը կհրապարակվի հոկտեմբերի 24-ին՝ ժամը 12-ին։ «Դատախազության և քննչական մարմինների ներկայացուցիչները հիմնավորում էին, թե ինչու իրենց տեսանկյունից անձը պետք է մնա կալանքի տակ, իսկ մենք հակափաստարկներն էինք ներկայացնում», – ասաց Երեմ Սարգսյանը։
Պաշտպանն ասաց, թե մեղադրող կողմի հիմնավորումը, ըստ էության, այն է, թե ազատության մեջ գտնվելով Գագիկ Խաչատրյանը կթաքնվի վարույթն իրականացնող մարմնից, կխոչընդոտի գործի քննությանը։ Նա նաև տեղեկացրեց, որ իրենք որպես խափանման միջոց են առաաջրկել գրավը, որպես չափ նշելով շուրջ 230 միլիոն դրամ։ Սա մոտավորապես այն չափն է, որը վարույթն իրականացնող մարմնի կողմից գանահտվել է որպես պետությանը պատճառված վնաս։
Մանրամասները՝ տեսանյութում։
Լիլիթ Շաբոյան
