12.12.2025 | 19:15
Միհրան Հակոբյանի վրա հարձակման գործով 4 անձ է ձերբակալվել․ ՆԳՆ
Խոստացել է կազմակերպել Գերմանիայում բժշկուհու աշխատանքի տեղավորման գործընթացը ու խոշոր գումար է հափշտակել. ՔԿ
Հասարակություն
23.10.2019 | 11:56
ՀՀ քննչական կոմիտեից տեղեկացնում են, որ Երևան քաղաքի քննչական վարչության Արաբկիր վարչական շրջանի քննչական բաժնում ավարտվել է առանձնապես խոշոր չափերով խարդախություն կատարելու դեպքի առթիվ հարուցված քրեական գործի նախաքննությունը։ Մեղադրանք է առաջադրվել 32-ամյա տղամարդուն:
«Մինչդատական վարույթում իրականացված քննչական գործողությունների արդյունքում պարզվել է, որ 32-ամյա տղամարդը, խարդախությամբ ուրիշի գույքի հափշտակություն կատարելու նախնական դիտավորությամբ, 2017 թվականի մայիսի 26-ից մինչև 2017 թվականի հունիսի վերջն ընկած ժամանակահատվածում, 40-ամյա իր ծանոթուհու վստահությունը չարաշահելու եղանակով առանձնապես խոշոր չափի գույքը խարդախությամբ հափշտակելու դիտավորությամբ, պատրաստակամություն է հայտնել կազմակերպել վերջինիս Գերմանիայի Դաշնային Հանրապետությունում բժշկուհու աշխատանքի տեղավորելու գործընթացը, որի համար պահանջել և մաս-մաս ստացել է ընդհանուր՝ 5.100.150 ՀՀ դրամ գումար, սակայն աշխատանքի տեղավորելու ուղղությամբ որևէ միջոց չի ձեռնարկել և խաբեությամբ, ապօրինի, անհատույց և շահադիտական նպատակով հափշտակել է վերոնշված գումարը՝ պատճառելով առանձնապես խոշոր չափի գույքային վնաս:
Բացի այդ, 32-ամյա տղամարդը տեղեկանալով, որ 40-ամյա կնոջ ընկերուհին՝ ծնված 1977թ., չի կարողանում վերադարձնել պարտքով ընկերուհուն տրված գումարը, ի սկզբանե դիտավորություն ունենալով չկատարելու իր կողմից տրված խոստումները, խաբեության եղանակով զգալի չափերով խարդախություն կատարելու դիտավորությամբ, պարտքով տրված գումարը հետ ստանալու հարցում նրան օժանդակելու պատրվակով, 2017 թվականի հուլիսին վերջինից ստացել է գումար, և խաբեությամբ ապօրինի, անհատույց, շահադիտական նպատակով հափշտակել է զգալի չափերով’ ընդհանուր 400.000 ՀՀ դրամ գումար, բայց վերադարձնելու ուղղությամբ որևէ գործողություն չի կատարել՝պատճառելով զգալի չափերի գույքային վնաս:
Ձեռք բերված բավարար ապացույցների համակցությամբ 32-ամյա տղամարդուն մեղադրանք է առաջադրվել՝ ՀՀ քրեական օրենսգրքի 178-րդ հոդվածի 3-րդ մասի 1-ին կետով և 178-րդ հոդվածի 1-ին մասով: Նրա նկատմամբ որպես խափանման միջոց է ընտրվել ստորագրություն՝ չհեռանալու մասին: Հայտարարվել է նախաքննության ավարտի մասին և քրեական գործը մեղադրական եզրակացությամբ ուղարկվել է դատարան»,- ասված է հաղորդագրությունում:
