14.05.2026 | 20:00
ՀՀ-ի դեմ կիբերհարձակումները կլրջանան ընտրությունների օրերին. Սամվել Մարտիրոսյան. ՏԵՍԱՆՅՈՒԹ
«Նախորդ իշխանությունները մեզ չէին լսում, հուսանք՝ այս անգամ ավելի ուշադիր կլինեն»․ ԽԱՊԿ նախագահ. ՏԵՍԱՆՅՈՒԹ
Հասարակություն
22.10.2019 | 15:07
Երրորդ եռամսյակը շատ հետաքրքիր էր այն առումով, որ բազմաթիվ օրենսդրական առաջարկությունների քննարկումներ եղան։ Դրանցից կառանձնացնեի «Երևան քաղաքում տեղական ինքնակառավարման մասին» օրենքում փոփոխություններ և լրացումներ կատարելու մասին նախագիծը, որն Ազգային ժողովը սեպտեմբերի 10-ին ընդունեց երկրորդ ընթերցմամբ և ամբողջությամբ։
Այս մասին այսօր հրավիրված ասուլիսի ընթացքում նշեց Խոսքի ազատության պաշտպանության կոմիտեի նախագահ Աշոտ Մելիքյանը։ «Օրենսդրորեն ամրագրվեց, որ լրագրողները կարող են ելումուտ անել քաղաքապետարան, ներկա գտնվել ավագանու նիստերին և ազատ լուսաբանել դրանք։ Մենք գիտենք, որ նախորդ իշխանության օրոք անհիմն սահմանփակումներ էին կիրառվել՝ կեղտաջրերի հայտնի պատմությունից հետո»,- ընդգծեց Աշոտ Մելիքյանը։
Նրա խոսքով՝ 2019-ի երրորդ եռամսյակում տարված ամենակարևոր աշխատանքներից է նաև «Հեռուստատեսության և ռադիոյի մասին» նոր օրենքի նախագիծը, որը մշակել են Խոսքի ազատության պաշտպանության կոմիտեն, Երևանի մամուլի ակումբը և Մեդիա նախաձեռնությունների կենտրոնը։
«Խորհրդարանական հանձնաժողովն աշխատանքային խումբ է ձևավորել՝ քննարկումներ կազմակերպելու և օրինագիծը կատարելագործելու նպատակով։ Շարունակվում են քննարկումները նաև ԽԱՊԿ-ի մշակած երեք այլ օրինագծերի շուրջ, որոնցով փոփոխություններ և լրացումներ են առաջարկվում «Գնումների մասին, «Անձնական տվյալների պաշտպանության մասին» և «Զանգվածային լրատվության մասին» ՀՀ օրենքներում։ Սա շատ ուրախալի է, որովհետև տասնյակ տարիներ ասում էինք, որ հեռուստատեսության ոլորտը պետք է բարեփոխվի, օրենսդրությունը հիմնովին փոխվի, բայց նախորդ իշխանությունները մեզ չէին լսում։ Հուսանք՝ նոր իշխանություններն ավելի ուշադիր կլինեն մեր առաջարկությունների նկատմամբ »,- նշեց Աշոտ Մելիքյանը։
ԽԱՊԿ նախագահը նաև անդրադարձավ «Էլեկտրիկ Երևանի» և «Սարի թաղի» իրադարձություններին վերաբերող քրեական գործերին․ «Եթե «Սարի թաղի» գործի առնչությամբ ՀՔԾ կայացրած որոշումը հաջողվեց դատական կարգով բողոքարկել և վերսկսել գործի քննությունը, ապա «Էլեկտրիկ Երևանի» հարցով գործը բողոքարկման կարգով ընթանում է»։
Մանրամասները՝ տեսանյութում։
Նելլի Մելքոնյան
