10.12.2025 | 23:29
ԱՄՆ Կոնգրես է ներկայացվել 907 ուղղումն ամբողջությամբ չեղյալ համարելու մասին օրինագիծ
Նախատեսված է ապրիլյան պատերազմի հանգամանքներն ուսումնասիրող հանձնաժողովի նիստ. ո՞վ է հրավիրված
Քաղաքականություն
21.10.2019 | 14:39
Այսօր նախատեսված է ապրիլյան պատերազմի հանգամանքներն ուսումնասիրող Ազգային ժողովի քննիչ հանձնաժողովի հերթական նիստը: Factor.am-ի տեղեկություններով՝ նիստին հրավիրված է ապրիլյան պատերազմի մասնակից զինվոր:
Հանձնաժողովն առայժմ զինվորի անունը չի հրապարակում:
Հիշեցնենք, որ Ազգային ժողովում ապրիլյան պատերազմի հանգամանքներն ուսումնասիրող քննիչ հանձնաժողով ստեղծելու անհրաժեշտության մասին մայիսի 20-ին հայտարարեց ՀՀ վարչապետ Նիկոլ Փաշինյանը:
«Կարծում եմ՝ հասունացել է ժամանակը՝ 2016 թվականի ապրիլյան պատերազմի հանգամանքներն ուսումնասիրող Ազգային ժողովի քննիչ հանձնաժողով ստեղծելու և մեզ բոլորիս հուզող մի շարք հարցերի պատասխանները ստանալու համար»,- ասել էր նա և ընդգծել. «Կան նախկին կոռուպցիոն համակարգը ներկայացնող կոնկրետ ուժեր, որոնք փորձ են անում կյանքի կոչել իրենց կողմից նախկինում կիրառված բանաձևը, այն է՝ տարաձայնություններ, հակասություններ և նույնիսկ թշնամանք հրահրել Արցախի և Հայաստանի ժողովրդի միջև՝ «բաժանիր, որ տիրես» տրամաբանությամբ, նախկինում իրենց կողմից թույլ տրված կոռուպցիոն հանցագործությունները կոծկելու, արդարացնելու նպատակով»:
Հավելենք, որ նախորդ շաբաթ հանձնաժողով էր հրավիրել վարչապետի խորհրդական Արշակ Կարապետյանը։ Պատերազմի ժամանակ նա զբաղեցնում էր ԶՈՒ գլխավոր շտաբի հետախուզության վարչության պետի պաշտոնը։ Հանձնաժողով հրավիրված մյուս անձանց ինքնությունը գաղտնի է պահվում։
Նարեկ Կիրակոսյան
