10.12.2025 | 13:10
ԱՄՆ-ում ՆԱՏՕ-ից դուրս գալու վերաբերյալ օրինագիծ է ներկայացվել
Մարդկանց ահաբեկելը իրենց պրիմիտիվ, տափակ ոճն է. Ալեն Սիմոնյան. ՏԵՍԱՆՅՈՒԹ
Քաղաքականություն
18.10.2019 | 14:13
Նախկին իշխանության ներկայացուցիչները մի լավ ավանդույթ են ունեցել՝ իրենց ունեցվածքը գրանցել իրենց բարեկամների անունով: Այսօր խորհրդարանում լրագրողների հետե զրույցում ասաց ԱԺ փոխնախագահ Ալեն Սիմոնյանը՝ անդրադառնալով Հրայր Թովմասյանի հոր տուն ԱԱԾ աշխատակիցների այցին:
«Եվ հիմա տարօրինակ չէ, որ իրավապահ մարմինները ստուգում են, փորձում են ճշտել՝ արդյո՞ք այդ գրանցված գույքն օրինական ձևով է ձեռք բերված»,- հավելեց նա:
Ալեն Սիմոնյանը տեղյակ չէ, թե ԱԱԾ-ականներն ինչու են նախօրեին գնացել Հրայր Թովմասյանի հայրական տուն. «Բայց վստահ կարող եմ ասել, որ որևէ կապ չունի, թե դա ում հայրն է, քանի տարեկան է, ում բարեկամն է: Խոսքն օրինականության մասին է: Եթե տվյալ անձը չլիներ ինչ-որ մեկի հայրը, և լիներ տեղեկություն, մեկ է՝ այցելելու էին: Իմ հայրն էլ լիներ, մեկ է՝ այցելելու էին»:
Հարցին՝ ճնշում չէ՞, արդյոք, այն, որ երբ Սահմանադրական դատարանը մերժեց վարույթ ընդունել Հրայր Թովմասյանի լիազորությունները դադարեցնելու մասին ԱԺ-ի ներկայացրած նախագիծը, դրանից հետո ԱԱԾ-ն Թովմասյանի հոր տուն այցելեց, Սիմոնյանը պատասխանեց. «Մենք այդ տրամաբանությամբ չենք շարժվում, որ չընդունեցին, գնանք էսինչի հորը բերենք: Դա իրենց պրիմիտիվ, տափակ տրամաբանությունն է, այդ ուժի գործելաոճը, գնալ մարդուն պատժելը, բանտեր նետելը»:
Մանրամասները՝ տեսանյութում:
