22.05.2026 | 18:10
Պետդումայի խոսնակը ՀՀ-ին մեղադրել է «ոչ բարեկամական» դիրքորոշման համար // «Ուժեղ Հայաստան»-ի համակիրներ են ձերբակալվել. ԼՈՒՐԵՐ
Ռազմական տեսակետից մեղավորություն պարզելը հանձնաժողովի գործն է. Արշակ Կարապետյան. ՏԵՍԱՆՅՈՒԹ
Քաղաքականություն
17.10.2019 | 14:42
ՀՀ վարչապետի խորհրդական, ԶՈՒ գլխավոր շտաբի հետախուզության վարչության նախկին պետ, գեներալ-մայոր Արշակ Կարապետյանն այսօր լրագրողների հետ կարճ զրուցեց՝ գրեթե չպատասխանելով որևէ հարցի։ Նա խորհրդարան էր եկել՝ մասնակցելու ապրիլյան քառօրյա պատերազմի հարցով ԱԺ քննիչ հանձնաժողովի աշխատանքներին, որտեղ պետք է պատասխանի հանձնաժողովի անդամների հարցերին։
Լրագրողների հարցերի մեծ մասին Արշակ Կարապետյանը պատասխանեց՝ «Հարցրեք ապրիլյան քառօրյա պատերազմի հարցով ԱԺ քննիչ հանձնաժողովին»։ Մասնավորապես՝ ինչո՞ւ իրեն պաշտոնանկ արեցին ապրիլյան քառօրյա պատերազմից հետո, թերացումներ ունեցե՞լ է նա ապրիլյան պատերազմի օրերին։
«Ես չեմ խուսափում հարցերին պատասխանել, մասնագիտորեն ճիշտ չէ, ես զինվորական եմ, զինվորականն իրավունք չունի լրագրողներին տեղեկություններ ներկայացնել»,- արձագանքեց Կարապետյանը։
Հարցին էլ՝ հնարավո՞ր է նրա հարցաքննությունը ոմանց մեղավորությունը պարզի, արձագանքեց. «Չգիտեմ, ես չգիտեմ՝ ինչ հարցեր են տալիս»:
Մանրամասները՝ տեսանյութում:
