23.07.2026 | 13:25
Կսահմանվի բեռնատարների սահմանային հերթերի կառավարման նոր կարգ. ՊԵԿ նախագահ․ ՏԵՍԱՆՅՈՒԹ
Գաջեգործների փողոցի մոտ բախվել են «Mercedes C180» և «Volkswagen Golf» մակնիշների մեքենաներ. կան տուժածներ
Հասարակություն
12.10.2019 | 11:30
ՀՀ ԱԻՆ-ից տեղեկացնում են, որ Երևանի Դավիթ Բեկի փողոցում՝ «Ռիո» խանութի մոտակայքում, տեղի է ունեցել ՃՏՊ՝ բախվել են ավտոմեքենաներ. անհրաժեշտ է փրկարարների օգնությունը:
«Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Գաջեգործների փողոցի թիվ 76 հասցեի մոտակայքում բախվել են «Mercedes C180» և «Volkswagen Golf» մակնիշների ավտոմեքենաները:
Մինչ փրկարարների՝ կանչի վայր հասնելն ավտոմեքենաների վարորդները քաղաքացիների ուժերով դուրս են բերվել ավտոմեքենաներից: Փրկարարները շտապօգնության ավտոմեքենաներին են մոտեցրել տուժածներին, ովքեր հոսպիտալացվել են «Էրեբունի» ԲԿ: Բժիշկները Կամո Հ.-ի (ծնված 1960 թ.) առողջական վիճակը գնահատել են կայուն ծանր, իսկ Դավիթ Մ.-ն (ծնված 1973 թ.) ստանալով համապատասխան բուժօգնություն՝ դուրս է գրվել:
Փրկարարները հոսանքազրկել են ավտոմեքենաները և փակել գազի բալոնների փականները»,- ասված է հաղորդագրությունում:
