06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Իսպանիան կհանի իր Patriot ՀՕՊ համակարգերը Թուրքիայից, եթե թուրքերը չդադարեցնեն Սիրիա ներխուժումը
11.10.2019 | 16:44
Իսպանիան մեծապես անհանգստացած է Թուրքիայի կողմից Սիրիայում իրականացվող «Խաղաղության ակունք» ռազմական գործողության առնչությամբ. գրում է ermenihaber-ը:
Իսպանիայի պաշտպանության նախարար Մարգարիտա Ռոբլեսը հանդես է եկել հայտարարությամբ, առ այն, որ եթե Թուրքիան շարունակի ռազմական գործողությունները Սիրիայի հյուսիսում, ապա պաշտոնական Մադրիդն Ադանա քաղաքում գտնվող ՆԱՏՕ-ի Ինջիրլիք ռազմաբազայից դուրս կբերի իր Patriot զենիթահրթիռային ՀՕՊ համակարգերը։
«Մեր կառավարության դիրքորոշումը պարզ է։ Մենք միշտ խաղաղության կողմնակից ենք։ Այդ հարցը ՆԱՏՕ-ում քննարկելու համար օրակարգ ենք բերելու։ ՆԱՏՕ-ին կներկայացնենք առաքելությունը վերանայելու հարցը, եթե պատերազմի վտանգ լինի»,- ասել է նա։
Ռոբլեսը հավելել է, որ անկախ իրենց դիրքորոշումից՝ իրենք հավատարիմ կմնան այն որոշմանը, որը կընդունի ՆԱՏՕ-ն:
Հիշեցնենք, որ քրդերի դեմ «Խաղաղության ակունք» ռազմական գործողությունը մեկնարկել է հոկտեմբերի 9-ին։ Թուրքական զինուժի ներխուժումը Սիրիա տեղի ունեցավ այն ժամանակ, երբ ամերիկյան զինված ստորաբաժանումները լքեցին Եփրատ գետի արևելյան հատվածը։
