27.09.2026 | 17:39
Բիլ Գեյթսը զգուշացրել է, որ արհեստական բանականության պատճառով կարող է մինչև մեկ միլիարդ մարդ մահանալ
Փայլանն անդրադարձել է Սիրիայում Թուրքիայի ծրագրած ռազմական օպերացիային
Քաղաքականություն
08.10.2019 | 19:21
Թուրքիայի խորհրդարանի հայ պատգամավոր, քրդամետ «Ժողովուրդների դեմոկրատական» կուսակցության (HDP-ԺԴԿ) անդամ Կարո Փայլանը Twiiter-ում անդրադարձել է Սիրիայի հյուսիսային շրջաններում Թուրքիայի կողմից քրդերի դեմ իրականացվելիք ռազմական գործողություններին. գրում է ermenihaber-ը:
Փայլանի գրառումը՝ ստորև.
«Երկիրը խաղալիք եք դարձրել Թրամփի ու Պուտինի ձեռքին:
Բայց եթե հաշտվենք ու առաջ ընթանանք ժողովրդավարությամբ, ապա դուրս կգանք այս իրավիճակից:
Եթե պատերազմենք, բոլորս ենք տանուլ ենք տալու: Եթե հաշտվենք, բոլորս ենք շահելու»:
Հիշեցնենք, որ հոկտեմբերի 6-ին տեղի ունեցած Էրդողան-Թրամփ հեռախոսազրույցից հետո հայտնի էր դարձել, որ ամերիկյան զինված ստորաբաժանումները լքում են Սիրիայի Եփրատ գետի արևելյան հատվածը, որտեղ Թուրքիան առաջիկայում պատրաստվում է ռազմագործողություններ սկսել քրդերի դեմ։ Այսօր՝ հոկտեմբերի 8-ին, արդեն հայտարարվեց թուրքական առաջին ստորաբաժանումների կողմից թուրք-սիրիական սահմանը հատելու մասին:
