03.02.2026 | 23:21
Ֆրանսիան պատրաստ է լիակատար աջակցություն ցուցաբերել Հայաստանին COP17-ի կազմակերպման հարցում
Արմեն Աշոտյանը մի բլբուլ կտրած սան ունի. Դավիթ Խաժակյանն ավագանու նիստին հիշեց նախորդներին. ՏԵՍԱՆՅՈՒԹ
Քաղաքականություն
08.10.2019 | 11:41
Ավագանու «Լույս» խմբակցության ղեկավար Դավիթ Խաժակյանն այսօր ավագանու նիստի ընթացքում ելույթ ունենալիս, ողջունեց իշխող ուժի առաջարկը դերասան, սցենարիստ Երվանդ Մանարյանին «Երևանի պատվավոր քաղաքացու» կոչում շնորհելու մասին:
Խաժակյանն ասաց՝ ոչ մի իշխանություն չպետք է իր քաղաքական հիմքին համապատասխան գնահատի մշակութային գործիչներին: Խաժակյանն ասաց, որ Մանարյանը քննադատում էր նախկին իշխանություններին և այդ պատճառով նրանց կողմից ուշադրության չէր արժանանում:
Խմբակցության ղեկավարը հիշեց նաև նախկին իշխանության ներկայացուցիչներին, ասաց հիշում է՝ ինչպես էր Արմեն Աշոտյանը միաժամանակ և՛ հաղորդում վարում, և՛ հանդիսանում կրթության գիտության նախարար, սահմանադրական փոփոխությունների առաջամարտիկ: «Մտաբերում եմ նաև, որ մի բլբուլ կտրած սան ունի Աշոտյանը, որը դարձավ երիտհանրապետական և նույն տարին պոլիտեխնիկի ռեկտորի օգանական»,- Խաժակյանն ասաց, սա հիշում է, քանի որ սա բուհերի քաղաքականացման մասին է վկայում:
Մանրամասները՝ տեսանյութում:
Լիլիթ Շաբոյան
