03.02.2026 | 18:00
Սերժ Սարգսյանը՝ ընդդիմության միավորվելու հնարավորության մասին // Ոստիկանը քաղաքացու է խոշտանգել․ ԼՈՒՐԵՐ
ԲՀԿ-ն խուսափում է Թովմասյանի հանդեպ գործընթացը գնահատել ոչ քաղաքական. Իվետա Տոնոյան. ՏԵՍԱՆՅՈՒԹ
Քաղաքականություն
07.10.2019 | 11:36
Սահմանադրական դատարանի նախագահ Հրայր Թովմասյանի լիազորությունների դադարեցման նախաձեռնությամբ հանդես եկած «Իմ քայլը» խմբակցության ներկարացրած իրավական հիմնավորումները ԲՀԿ-ի համար բավարար չէին: Խորհրդարանական ճեպազրույցների ժամանակ այս մասին հայտարարեց «Բարգավաճ Հայաստան» խմբակցության պատգամավոր Իվետա Տոնոյանը:
«Ես իմ ելույթում էլ նշեցի, որ արժանահավատ չէ այդ փաստաթուղթը, որն իրականում պետք է լրջագույն իրավական փաստաթուղթ լիներ, բայց որպես աղբյուր նշված էին «Վիքիպեդիա»-ի աղբյուրները, և բազմաթիվ այսպիսի ոչ համապատասխան չափորոշիչներ»,- հավելեց նա:
Նա հիշեցրեց՝ իրենց գնահատականը տալիս նշել են, որ իրենց վերաբերմունքը հենց իրավական անլիարժեքության պատճառով է եղել, և «Բարգավաճ Հայաստան» խմբակցությունը որոշել է չմասնակցել քվեարկությանը:
«Ինչ վերաբերում է մնացած հարցերին, սպասենք, տեսնենք՝ ինչ հանգուցալուծում կունենա հարցը: Ոչ մեկի համար գաղտնիք չէ, որ այս հարցն ԱԺ լիազորությունների շրջանակում լուծվող հարց չէ, այն պետք է լուծվի ՍԴ-ի լիազորությունների շրջանակում»,- ասաց Իվետա Տոնոյանը:
Հարցին՝ այս գործընթացում քաղաքական շարժառիթներ տեսնո՞ւմ է, ԲՀԿ-ական պատգամավորը պատասխանեց. «Եթե բոլոր իրավական չափորոշիչները և հիմնավորումները պահպանված լինեին, մենք զերծ կմնայինք նման գնահատական տալուց»:
Մանրամասները՝ տեսանյութում:
