03.02.2026 | 23:21
Ֆրանսիան պատրաստ է լիակատար աջակցություն ցուցաբերել Հայաստանին COP17-ի կազմակերպման հարցում
«Աղբահանության դիմաց վճարվող 200 դրամը կմնա անփոփոխ». Հակոբ Կարապետյան. ՏԵՍԱՆՅՈՒԹ
Հասարակություն
04.10.2019 | 12:17
Արդեն շրջանառության մեջ է Երևանի քաղաքապետարանի կողմից ներկայացված մի նախագիծ, ըստ որի՝ աղբահանության համար նախատեսվող վարձավճարը բնակիչներից չի գանձվի։ Այս մասին այսօր՝ «Երևանը հրաժարվում է Սանիթեքից․ աղբահանության նոր մոդելը» թեմայով քննարկման ընթացքում նշեց Երևանի քաղաքապետարանի մամուլի խոսնակ Հակոբ Կարապետյանը։
«Նոր նախագծով՝ վարձը ներմուծող կազմակերպությունների վրա է դրվում։ Այսինքն՝ ցանկացած ներմուծող իր հետ պոտենցիալ աղբ է ներմուծում, հետևաբար՝ առաջարկվում է, որ աղբի հարկը հենց ներմուծողից գանձվի։ Կարծում եմ՝ տեղական արտադրողներին այդ առումով արտոնություններ կտրվեն»,- ասաց Հակոբ Կարապետյանը։
Նրա խոսքով՝ մինչ օրս աղբահանության համար վճարվող գումարի չափը՝ 200 դրամը, առայժմ անփոփոխ կմնա։ Անդրադառնալով աղբահանությանը տրամադրվող բյուջեին, քաղաքապետի մամուլի խոսնակն ընդգծեց․ «Այսօր աղբահանության համայնքային հիմնարկի աշխատանքն արվում է այն բյուջեի սահմաններում, ինչ «Սանիթեքին» էր տրվել․ 5 մլրդ 200 միլիոնի սահմաններում՝ չհաշված կապիտալ ծախսերը»։
Մանրամասները՝ տեսանյութում։
Նելլի Մելքոնյան
