15.12.2025 | 13:02
Ռոստովի մարզը ենթարկվել է ԱԹՍ-ների զանգվածային հարձակման. վնասվել են էլեկտրահաղորդման գծեր և բնակելի տներ. ՏԵՍԱՆՅՈՒԹ
Մինչև հաջորդ տարվա հուլիս ավտոներկրողները կկարողանան վաճառել կուտակված մաքսազերծված մեքենաները. Տիգրան Հովհաննիսյան. ՏԵՍԱՆՅՈՒԹ
Հասարակություն
03.10.2019 | 16:23
Ավտոներկրողները մինչև 2020 թվականի հուլիսի 1-ը կկարողանան վաճառել մաքսատներում կուտակված, սակայն դեռևս Հայաստան չմտած մեքենաները։ Այս մասին այսօր Կառավարության շենքի դիմաց ավտոներկրողների կազմակերպած բողոքի ակցիայի ժամանակ ասաց Ավտովարորդների պաշտպանության լիգայի նախագահ Տիգրան Հովհաննիսյանը։
Կառավարության շենքում վարչապետի օգնական Նաիրի Սարգսյանի հետ հանդիպումից հետո Տիգրան Հովհաննիսյանը լրագրողների հետ զրույցում նշեց. «Ասացին՝ կարող եք մաքսազերծված, կուտակված մեքենաները հանգիստ վաճառել մինչև հուլիսի 1-ը։ Բայց ես նշեցի, որ այսօր տասը հազար մարդ լուրջ խնդրի առաջ է՝ մեքենաների պատճառով։ Ինձ պատասխանեցին, որ դա վարչապետի խնդիրն է՝ ԵՏՄ-ի ղեկավարների հետ»։
Նրա խոսքով՝ այս պահին իրենց խնդիրն այն մեքենաներն են, որոնք մինչև հունվարի 1-ը չեն հասցնի մաքսազերծել։ Այդ մեքենաների մաքսազերծման ժամկետների երկարացման համար իրեն առաջարկել են մյուս շաբաթ հանդիպել։
«Նույնիսկ առաջարկել եմ ՌԴ դեսպանին հրավիրել։ Նամակ եմ գրել, գնացել նրա հետ հանդիպել եմ, նա ինձ ասել է, որ իմ կառավարության հետ խոսեմ»,- ասաց Ավտովարորդների պաշտպանության լիգայի նախագահը։
Մանրամասները՝ տեսանյութում։
Նելլի Մելքոնյան
