29.03.2026 | 18:19
ԹՐԻՓՓ-ի շուրջ քննարկումները չեն դանդաղել․ փաստաթղթերի համաձայնեցման փուլում ենք․ Միրզոյան
Հիմնավորե՛ք Հրայր Թովմասյանի պաշտոնանկության իրավական փաստարկները, միանանք. Գևորգ Պետրոսյան. ՏԵՍԱՆՅՈՒԹ
Քաղաքականություն
03.10.2019 | 14:38
Մեկընդմիշտ նկատի ունեցեք, թող որևէ մեկը որևէ փորձ չկապի մեզ կապել Հրայր Թովմասյանի հետ, դա անպտուղ փորձ է լինելու: Այսօր խորհրդարանում լրագրողների հետ զրույցում ասաց ԱԺ ԲՀԿ խմբակցության անդամ Գևորգ Պետրոսյանը՝ արձագանքելով հարցին, թե ինչո՞ւ էին երկու տարի առաջ դեմ Հրայր Թովմասյանի թեկնածությանը, իսկ այսօր չեն միանում նրան պաշտոնազրկելու՝ «Իմ քայլի» նախաձեռնությանը։
ԲՀԿ-ի այսօրվա դիրքորոշումը պարոն Պետրոսյանը բացատրում է նրանով, որ «Իմ քայլի» նախագծի իրավական հիմնավորումներն ամբողջական չեն, ԲՀԿ-ի կարծիքով՝ դրանցում խոսք չկա էական կարգապահական խախտումների մասին։
«Ո՞վ է ասել, որ մենք պարտավոր ենք միանալ ցանկացած նախաձեռնության, մենք միանում ենք նախաձեռնություններին այն ժամանակ, եթե համոզված ենք, որ իրավական հիմնավորումները խոցելի չեն»,- վստահեցրեց նա։
Օրինակ՝ քավոր-սանիկ հարաբերությունները, որ կան Հրայր Թովմասյանի և Ռոբերտ Քոչարյանի փաստաբան Արամ Օրբելյանի միջև, ՍԴ նախագահի լիազորությունները դադարեցնելու համար հիմք չեն։
«Քավոր-սանիկը իրավական կատեգորիա՞ է, չկա շահերի բախում, օրենքով ցույց տվեք, որ քավոր-սանիկը շահերի բախում է։ Գիտեմ, որ քավորը սրբություն է»,- ասաց Պետրոսյանը։ Նա «Իմ քայլին» առաջարկում է հիմնավորել Թովմասյանի պաշտոնանկության գնահատականները, և ԲՀԿ-ն կմիանա նախագծին։
Մանրամասները՝ տեսանյութում:
