18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
ՍԴ-ի անաչառությունը կասկածի տակ կդնեի՞նք, եթե Քոչարյանի փաստաբանը չլիներ Արամ Օրբելյանը. Արման Բաբաջանյան. ՏԵՍԱՆՅՈՒԹ
Քաղաքականություն
03.10.2019 | 13:24
ԱԺ-ում ՍԴ նախագահ Հրայր Թովմասյանի լիազորությունները դադարեցնելու մասին նախագծի քննարկման ժամանակ պատգամավոր Արման Բաբաջանյանը հարցի զեկուցող, «Իմ քայլը» խմբակցության պատգամավոր Սուրեն Գրիգորյանից հետաքրքրվեց՝ արդյո՞ք կծագեր Սահմանադրական դատարանի դատավոր Հրայր Թովմասյանի լիազորությունները դադարեցնելու հարցը, եթե Ռոբերտ Քոչարյանի գործով փաստաբանական թիմը չդիմեր ՍԴ, ինչպես նաև փաստաբանների թվում չլիներ Հրայր Թովմասյանի սանիկ Արամ Օրբելյանը:
«Եթե Ռոբերտ Քոչարյանի գործով փաստաբանական թիմը չդիմեր ՍԴ, որևէ վերապահում կունենայի՞նք ՍԴ դատարանի վերաբերյալ և, առհասարակ, կասկածի տակ կդնեի՞նք ՍԴ անաչառությունը, եթե Քոչարյանի պաշտպանական թիմում չլիներ Արամ Օրբելյանը, և դրանով որևէ խնդիր չէի՞նք ունենա գործող դատական կազմի հետ»,- հետաքրքրվեց Բաբաջանյանը:
Ի պատասխան՝ Սուրեն Գրիգորյանը նկատեց, որ այսօր օրակարգը բավականին հագեցած է՝ ենթադրությունների հիման վրա մեկնաբանություններ անելու համար:
«Մենք ունենք հիմա կոնկրետ գործընթաց, և կարծում եմ, որ ավելի շատ հիմա պիտի քննարկենք կոնկրետ գործընթացը: Մեր այսօրվա օրակարգը հագեցած է իրական վիճակներով, որ հնարավոր լինի հիպոթետիկ իրավիճակի մասին խոսել, թե ինչ կլիներ, եթե այսպես չլիներ, չեմ կարող պաստասխանել, որովհետև հիպոթետիկ դատողություններ կատարելու սիրահար չեմ», – ասաց նա:
Մանրամասները՝ տեսանյութում:
Նարեկ Կիրակոսյան
