17.11.2024 | 19:53
Հայաստանի հավաքականը 1:2 հաշվով հաղթեց Լատվիայի թիմին
«Ինչի՞ համար». Իմքայլական կին պատգամավորը՝ Արփինե Հովհաննիսյանից ներողություն խնդրելու մասին. ՏԵՍԱՆՅՈՒԹ
Հասարակություն
03.10.2019 | 11:53
«Այսօր Արփինե Հովհաննիսյանին պաշտպանում է Գևորգ Պետրոսյանը։ Ժողովուրդ, Գևորգ Պետրոսյանը երկու ամիս առաջ ԱԺ ամբիոնից ասում էր՝ կանանց և երեխաներին պետք է դաստիարակչական ապտակ տալ, ո՞ւր էիք դուք, ինչո՞ւ չէիք քննադատում։ Ո՞ւր էիք դուք, երբ Նաիրա Զոհրաբյանը, լինելով մարդու իրավունքների պաշտպանության հանձնաժողովի նախագահ, դուրս է հրավիրում մարդկանց դահլիճից։ Ես ուզում եմ, որ դուք հավասարազոր արձագանք տաք ամեն քայլին»,- այսօր խորհրդարանում լրագրողների հետ զրույցում հայտարարեց «Իմ քայլը» խմբակցության պատգամավոր Քրիստինե Պողոսյանը՝ պատասխանելով հարցին, թե ինչպես է գնահատում իր գործընկեր Անդրանիկ Քոչարյանի որակումներն արդարադատության նախկին նախարար Արփինե Հովհաննիսյանի հասցեին։
«Անդրանիկ Քոչարյանը սխալ ձևակերպու՞մ է արել: Եթե ես կարող եմ ընկերաբար ասել, կասեմ՝ պարո՛ն Քոչարյան, պետք չէ նման բան ասել, գուցե դուք զայրացած եք եղել»,- ասաց նա։
Ըստ Պողոսյանի՝ Անդրանիկ Քոչարյանն ամենևին կարիք չունի ներողություն խնդրելու Արփինե Հովհաննիսյանից՝ «Արփինե Հովհաննիսյանը պետք է խոսի փաստերով, իսկ պայմանական կարող է տալ իր մայրիկի և անհայտ հայրիկի անունները» արտահայտության համար։
«Ինչի՞ համար»,- ասաց Քրիստինե Պողոսյանը։
Մանրամասները՝ տեսանյութում:
