09.05.2024 | 00:22
Ինչ են քննարկել Փաշինյանն ու Պուտինը
Ամուսիններից մեկը կարող է դատական կարգով արգելել խաղասրահ մտնել. ԱԺ-ն քննարկում է «Վիճակախաղերի մասին» օրենքում փոփոխությունները. ՏԵՍԱՆՅՈՒԹ
Քաղաքականություն
02.10.2019 | 12:15
ՀՀ Ազգային ժողովում քննարկվում է պատգամավորներ Ալեն Սիմոնյանի, Սիփան Փաշինյանի և Նաիրա Զոհրաբյանի կողմից ներկայացված «Վիճակախաղերի մասին» ՀՀ օրենքում լրացումներ կատարելու մասին նախագիծը երկրորդ ընթերցմամբ և ամբողջությամբ ընդունելու մասին հարցը:
Առաջին ընթերցումից հետո առաջարկված փոփոխությունները ներկայացրեց հիմնական զեկուցող Ալեն Սիմոնյանը՝ նշելով, որ դրանց մի մասն ընդունվել են:
Փոփոխություններից մեկով, որը ներկայացրել է պատգամավոր Արկադի Խաչատրյանը, նախատեսվում է, որ ամուսիններից մեկը կարող է մյուսին արգելել խաղասրահ մուտք գործել: Այս առաջարկն ընդունվել է:
Ինչ վերաբերում է բուքմեյքերական գրասենյակներին, Սիմոնյանը ներկայացրեց Սիփան Փաշինյանի առաջարկը. «Օրենքի ընդունումից հետո ՀՀ տարածքում բուքմեյքերական գրասենյակներն առկա են լինելու հետևյալ տրամաբանությամբ. ամեն մարզկենտրոնում՝ մեկական՝ ամեն կազմակերպության համար, ինչպես նաև Երևան քաղաքի ամեն վարչական շրջանում՝ մեկական բուքմեյքերական գրասենյակ, ինչպես նաև Վայոց ձորի, Սյունիքի մարզի այն քաղաքներում, որտեղ թույլատրված է խաղատների գործունեությունը: Այսինքն՝ այն չորս քաղաքները, որոնք մտցված են տուրիզմի զարգացման տրամաբանության մեջ»:
Հավելենք, որ ընդունվելու դեպքում՝ օրենքն ուժի մեջ կմտնի 2020 թվականի նոյեմբերի 1-ից:
Մանրամասները՝ տեսանյութում:
