03.04.2026 | 15:03
Թրմամիջոցներ տեղադրող երիտասարդը փախուստի դիմելիս ընկել է ջրատարը. ոստիկանները մախ փրկել են նրան, ապա ձերբակալել
Ինչո՞ւ ԵՏՄ բարձրաստիճան հյուրերին ընդունեցին նախագահի նստավայրում
Քաղաքականություն
01.10.2019 | 21:00
Երևանում կայացավ ԵՏՄ բարձրագույն տնտեսական խորհրդի նիստը: Պաշտոնական ընդունելությունները տեղի ունեցան Բաղրամյան 26-ում՝ նախագահի նստավայրում:
Հիշեցնենք, որ Սահմանադրության համաձայն՝ երկրի ղեկավարը վարչապետն է: Հիշեցնենք նաև, որ Կառավարության 2018 թվականի նոյեմբերի 8-ի նիստում որոշում կայացվեց, որով Նիկոլ Փաշինյանը հրաժարվեց Բաղրամյան 26-ի նստավայրից, և այն վերադարձվեց ՀՀ նախագահին, ինչպես նախկինում է եղել:
Ընդունված որոշման նախագծով, սակայն, սահմանվում է, որ նախագահի նստավայրի արարողակարգային նշանակության դահլիճներից կարող է օգտվել նաև վարչապետը: Ընդ որում՝ միաժամանակ նախագահի կամ վարչապետի կողմից այդ դահլիճներից որևէ մեկն օգտագործելու անհրաժեշտություն առաջանալու դեպքում՝ տվյալ դահլիճից վարչապետն օգտվում է առաջնահերթության կարգով:
Հավելենք, որ որ 2018թ. հունվարին Կառավարության ընդունած մեկ այլ որոշման համաձայն՝ ՀՀ նախագահի նստավայրը Բաղրամյան 26-ից տեղափոխվել էր Մաշտոցի 47, իսկ վարչապետի նստավայրը՝ տեղակայվել Բաղրամյան 26-ում։
Նարեկ Կիրակոսյան
