18.12.2025 | 20:43
Հրդեհ Հայկաձոր գյուղում. այրվել է մոտ 1800 հակ անասնակեր
Թուրքիան կշարունակի Իրանից նավթ գնել՝ չնայած ամերիկյան սահմանափակումներին. Էրդողան
Քաղաքականություն
27.09.2019 | 11:33
Թուրքիայի նախագահ Ռեջեփ Թայիփ Էրդողանը հայտարարել է, որ Թուրքիան կշարունակի Իրանից նավթ և բնական գազ գնել: Այս մասին գրում է ՏԱՍՍ-ը՝ վկայակոչելով Reuters-ը:
Աղբյուրի փոխանցմամբ՝ Էրդողանը նշել է, որ Անկարան չի վախենում ամերիկյան պատժամիջոցներից և մտադիր է շարունակել Իրանի հետ առևտուրը:
Իրանը Թուրքիայի առաջատար նավթի մատակարարներից է: Թուրքական աղբյուրների տվյալներով՝ անցյալ տարի Թեհրանն Անկարային ավելի քան 25 մլն տոննա նավթ է մատակարարել:
Իրանի դեմ պատժամիջոցները, որոնք ներառում են նաև իրանական նավթի գնման արգելք, Վաշինգտոնը վերականգնեց անցյալ տարվա նոյեմբերից, իրանական միջուկային գործարքից ԱՄՆ-ի միակողմ ելքից հետո: 2018 թվականի նոյեմբերին ԱՄՆ-ն ութ երկրների և տարածքների՝ Չինաստանին, Հունաստանին, Հնդկաստանին, Իտալիային, Ճապոնիային, Հարավային Կորեային, Թայվանին և Թուրքիային, կես տարի ժամանակ էր տվել իրանական նավթի ներկրման համար: 2019-ի մայիսի 2-ին, սակայն, այս բացառության գործողության ժամկետը սպառվել է:
Հիշեցնենք, որ նախօրեին հայտնի դարձավ իրանական նավթի ներկրման համար չինական երկու ընկերության դեմ ԱՄՆ-ի կողմից պատժամիջոցներ սահմանելու մասին:
