14.12.2025 | 20:34
Դեկտեմբերի 15-ին Արարատ Միրզոյանն աշխատանքային այցով գտնվելու է Բրյուսելում
«Քաղաքացիական պայմանագիր» հիմնադրամին 106 մլն դրամի նվիրատվություն են կատարել. ԼՈՒՍԱՆԿԱՐՆԵՐ
Քաղաքականություն
26.09.2019 | 22:30
«Քաղաքացիական պայմանագիր» վերադարձի հիմնադրամի նվիրատվությունները 2018 թվականին կազմել են 106 մլն 741 հազար դրամ: Այս մասին Factor.am-ը տեղեկանում է հիմնադրամի ներկայացրած հաշվետվությունից:
2018 թվականի ընթացքում հիմնադրամի ծախսերը կազմել են 88 մլն 723 հազար դրամ: Ամբողջ գումարն ուղղվել է «Քաղաքացիական պայմանագիր» հանրային քաղաքական միավորմանը (Քաղաքացիական պայմանագիր կուսակցություն – խմբ.):
Նշենք, որ «Քաղաքացիական պայմանագիր» հիմնադրամը ստեղծվել է «Քաղաքացիական պայմանագիր» կուսակցության գործունեության ֆինանսավորումը կազմակերպելու նպատակով: ՔՊԿ պաշտոնական կայքի փոխանցմամբ՝ «Քաղաքացիական պայմանագրին» նվիրաբերված գումարները կենտրոնանում են հիմնադրամի հաշվեհամարին և դրամարկղում, որտեղից ծախսերը կատարվում են հիմնադրամի հոգաբարձուների խորհրդի վերահսկողության ներքո:
Հիմնադրամի միջոցները կարող են ուղղվել կազմակերպչական, տեխնիկական ծախսերին, գրասենյակների, գույքի գնմանը կամ վարձակալությանը, ներկայացուցչական ծախսերին, բարեգործությանը, գործուղումներին և հանրային իրազեկմանը:
Նարեկ Կիրակոսյան
