15.12.2025 | 13:02
Ռոստովի մարզը ենթարկվել է ԱԹՍ-ների զանգվածային հարձակման. վնասվել են էլեկտրահաղորդման գծեր և բնակելի տներ. ՏԵՍԱՆՅՈՒԹ
Ցանկացած գործողություն ահաբեկիչներին կդրդի լքել Մերձավոր Արևելքը, կփորձեն ներթափանցել Հայաստանի տարածք․ ԱԱԾ Սահմանապահ զորքերի հրամանատար. ՏԵՍԱՆՅՈՒԹ
Տեսանյութեր
26.09.2019 | 16:05
«Վերջին շրջանում Հայաստանի պետական սահմանի ապօրինի հատման դեպքեր չեն նկատվել, բայց մենք պետք է պատրաստվենք ցանկացած մարտահրավերի»,- այսօր ասաց ԱԱԾ Սահմանապահ զորքերի հրամանատար, գնդապետ Վաղինակ Սարգսյանը։
Նա ներկա էր «Արարատ-Անտիտեռոր-2019» հակաահաբեկչական վարժանքի եզրափակիչ փուլի անցկացմանը։ Վարժանքի մտահղացմամբ՝ «Գազպորմ Արմենիա» ՓԲԸ տարածքում ՀԱԳ անցկացվելուց հետո հանրապետական օպերատիվ շտաբը ստանում է տեղեկատվություն առ այն, որ ահաբեկիչների առանձին խմբեր, ճեղքում կատարելով պետական սահմանով, փորձում են լքել Հայաստանի տարածքը։
Միաժամանակ այն զինյալները, որոնք պահպանել են մարտունակությունը և չեն հասցրել դուրս գալ սահման, գրավում են բնակավայրը՝ մտադրություն ունենալով տեղի բնակչության քողի տակ ապահովել անարգել նահանջը հանրապետության տարածքից։
Զորավարժության նպատակը, ըստ Վաղինակ Սարգսյանի, ներդաշնակելն էր տարբեր ստորաբաժանումների գործողությունները ահաբեկչական խմբերի դեմ պայքարի ժամանակ:
«Մենք տեսնում ենք, թե տարածաշրջանում ինչ է կատարվում, և բնականաբար՝ պետք պատրաստ լինենք հնարավոր վտանգներին, քանի որ ցանկացած գործողություն Մերձավոր Արևելքում կդրդի տարբեր ահաբեկիչների լքել այդ տարածաշրջանը, իսկ Հայաստանը համարվում է տարանցիկ երկրներից մեկը և կփորձեն ներթափանցել նաև Հայաստանի տարածք»,- ասաց ԱԱԾ Սահմանապահ զորքերի հրամանատար, գնդապետ Վաղինակ Սարգսյանը։
Մանրամասները՝ տեսանյութում:
Ռոբերտ Անանյան
