06.08.2026 | 20:10
Picsart-ի հիմնադիր Հովհաննես Ավոյանը պարգևատրվել է «Հայրենիքին մատուցած ծառայությունների համար» 2-րդ աստիճանի շքանշանով
Հաղթանակս նվիրում եմ որդուս. Հակոբ Մկրտչյան
26.09.2019 | 17:46
Թաիլանդում ընթացող ծանրամարտի աշխարհի առաջնության 89 կգ քաշային կարգում չեմպիոն հռչակված Հակոբ Մկրտչյանը ՀԱՕԿ լրատվականի հետ զրույցում պատմել է տպավորությունների մասին: 2014 թվականին Հակոբ Մկրտչյանը դարձել էր պատանեկան Օլիմպիական խաղերի չեմպիոն և, համեմատելով 2 նվաճումները, նշեց հետևյալը:
«Եթե անկեղծ, համեմատելը դժվար կլինի: Զգացողությունները նույնն են՝ ինչ այն ժամանակ էր, քանի որ մարզիկի համար իր բոլոր նվաճումները կարևոր են»,- ասաց նա:
Հակոբ Մկրտչյանը կարևորում է ընտանիքի գործոնն իր հաղթանակներում: Գյումրեցի ծանրորդը հաղթանակը նվիրում է որդուն, որը կծնվի մի քանի ամսից. «Հաղթանակս նվիրում եմ որդուս: Իսկ ընտանիքիս գործոնը շատ մեծ է, քանի որ ամեն առաջնության մասնակցելիս մտածում եմ, որ ամեն ինչ անում եմ նրանց բարեկեցիկ ապագայի համար»,- խոսքը եզրափակեց Հակոբ Մկրտչյանը:
Հիշեցնենք, որ Եվրոպայի գործող չեմպիոնը երկամարտում գրանցել էր 375 կգ (167+208) արդյունք: Պոկում վարժությունում գյումրեցի ծանրորդը չորրորդն էր, իսկ հրում վարժությունում նվաճեց փոքր արծաթե մեդալ:
