15.12.2025 | 18:38
Արգենտինայի հավաքականը կարող է զրկվել ԱԱ-2026-ի մասնակցության իրավունքից
Հայաստանում կգործարկվի կառավարման տեխնոլոգիաների աքսելերատոր
Տնտեսություն
24.09.2019 | 20:46
Կառավարման տեխնոլոգիան աշխարհում մեծ զարգացում ապրող ուղղություն է, որի համաշխարհային շուկան գնահատվում է շուրջ 400 մլրդ ԱՄՆ դոլար։ Այն ուղղված է կառավարության կողմից քաղաքացիներին մատուցվող ծառայությունների արդյունավետության, թափանցիկության և հասանելիության բարձրացմանը. տեղեկացնում են ՀՀ բարձր տեխնոլոգիական արդյունաբերության նախարարությունից տեղեկացնում են:
«ՄԱԶԾ-ի ImpactAim աքսելատորի կողմից Հայաստանում առաջին անգամ նախաձեռնվում է Կառավարման տեխնոլոգիաների աքսելերատոր ծրագիրը, որն իրականացվում է ՄԱԿ-ի Զարգացման ծրագրի (ՄԱԶԾ) ֆինանսավորմամբ և ՀՀ բարձր տեխնոլոգիական արդյունաբերության նախարարության հետ համագործակցությամբ և աջակցությամբ: Ծրագրի իրականացման մեջ կարևոր գործընկերներ են հանդիսանում նաև Կատալիստ հիմնադրամի «Hero House»-ը և ՄԱԶԾ-ի Կայուն զարգացման նպատակների ազգային նորարարական կենտրոնը:
Կառավարման տեխնոլոգիաների աքսելերատորի նպատակն է ներգրավել ստարտափներին կառավարման նոր լուծումների մշակման ուղղությամբ: Աքսելերատորը ստարտափ թիմերին կտրամադրի բիզնես և տեխնոլոգիական փորձագիտական խորհրդատվություն և մենթորություն, ինչպես նաև ազդեցության գնահատման մեթոդաբանություն և հմտություններ։
Ստարտափների կողմից աքսելերատորին դիմելու վերջնաժամկետը սեպտեմբերի 30-ն է»,- ասված է հաղորդագրությունում:
