27.09.2026 | 17:39
Բիլ Գեյթսը զգուշացրել է, որ արհեստական բանականության պատճառով կարող է մինչև մեկ միլիարդ մարդ մահանալ
«Դաշնակցության իմիջն ընկած չէ». Իշխան Սաղաթելյան
Քաղաքականություն
23.09.2019 | 18:12
Դաշնակցության իմիջն ընկած չէ: Factor.am-ի հետ զրույցում ասաց ՀՅԴ Հայաստանի Գերագույն մարմնի ներկայացուցիչ Իշխան Սաղաթելյանը՝ անդրադառնալով ԱՄՆ-ում ՀՅԴ տեղի կառույցի ներկայացուցիչների հետ հանդիպման ժամանակ վարչապետ Նիկոլ Փաշինյանի այն հայտարարությանը, թե ՀՅԴ-ն պետք է վերագնահատումներ անի վերջին շրջանում Հայաստանում ծավալած գործունեության մասին, քանի որ դա շատ կարևոր կլինի Հայաստանում հենց Դաշնակցության հետագա իմիջի և հետագա գործունեության համար:
«Այդ կարճ հաղորդագրությունից հանդիպման մասին ամբողջական պատկերացում ունենալ և մեկնաբանել չեմ կարող: Մեր ընկերները զեկույց կտան, թե ինչի մասին են խոսել, կանդրադառնանք հարցին»,- հավելեց Իշխան Սաղաթելյանը:
Վարչապետն ԱՄՆ-ի ՀՅԴ-ականների հետ հանդիպման ժամանակ նշել էր, որ եթե Հայաստանի ՀՅԴ ներկայացուցիչները զրուցելու ցանկություն ունենան, ապա այդ ցանկությունն անարձագանք չի մնա:
Իշխան Սաղաթելյանն ասաց՝ Նիկոլ Փաշինյանի այդ խոսքերը լսել են, բայց պետք է կրկին լսեն հանդիպմանը մասնակցած կուսակիցներին, որպեսզի կարողանան թեմային անդրադարձ կատարել:
Նարեկ Կիրակոսյան
