02.07.2026 | 16:12
Նախագահ Վահագն Խաչատուրյանը մի շարք օրենքներ է ստորագրել
Չի կարող խորհրդարանից գաղտնի, կուրորեն գումար հատկացվել․ Էդմոն Մարուքյան․ ՏԵՍԱՆՅՈՒԹ
Քաղաքականություն
23.09.2019 | 11:56
Ազգային ժողովը 92 կողմ ձայնով երկրորդ ընթերցմամբ և ամբողջությամբ կողմ քվեարկեց Հարկային օրենսգրքի փոփոխությունների մասին նախագծին։
«Լուսավոր Հայաստան» խմբակցության ղեկավար Էդմոն Մարուքյանը, որը քվեարկությունից առաջ 20 րոպե ընդմիջում էր խնդրել, ասաց, որ այդ րոպեների ընթացքում եկան այն եզրակացության, որ խորհրդարանից գաղտնի ցանկ չի կարող լինել, քանի որ հենց խորհրդարանն է այդ գումարը տվողը։
«Չի կարող խորհրդարանից գաղտնի, կուրորեն գումար տալ, բայց մեր հարցերին ի պատասխան ասվել է, որ սա հարկային գաղտնիք է։ Պատգամավորները հույժ գաղտնի տեղեկություն ստանալու իրավունք ունեն, և մենք հետամուտ ենք լինելու, որ այդ տնտեսվարողների ցանկը ստանանք»,- ասաց Մարուքյանը՝ շեշտելով, որ այն մարդիկ, որոնք քրեական պատասխանատվության են ենթարկված, չպետք է այս գումարները ետ ստանան։
«Լուսավոր Հայաստան» խմբակցության պատգամավոր Մանե Թանդիլյանն էլ հայտարարեց, որ չի քվեարկել նախագծին։
Հիշեցնենք, որ Հարկային օրենսգրքի փոփոխություններով նախատեսվում է ավելի քան 56 մլրդ դրամ ավելացված արժեքի հարկի դեբետային մնացորդները վերադարձնել տնտեսվարողներին։
